തൊടുപുഴ: ഹരിതകർമ സേനക്ക് കൃത്യമായി യൂസര്‍ ഫീ നല്‍കുന്ന കുടുംബങ്ങളെ ആദരിക്കണമെന്ന സര്‍ക്കാര്‍ നിർദേശം നടപ്പാക്കാനൊരുങ്ങി ജില്ലയിലെ തദ്ദേശ സ്ഥാപനങ്ങള്‍. രാജാക്കാട് ഗ്രാമപഞ്ചായത്താണ് നൂതന പരിപാടിക്ക് ജില്ലയില്‍ തുടക്കമിടുന്നത്. പുറപ്പുഴ, ആലക്കോട് ഗ്രാമപഞ്ചായത്തുകളും മുടങ്ങാതെ യൂസര്‍ ഫീ നല്‍കി ഹരിതകര്‍മ സേനയോട് സഹകരിക്കുന്നവരെ ആദരിക്കുന്നതിന് തീരുമാനിച്ചു. യൂസര്‍ ഫീ നല്‍കുന്നവരെ ആദരിക്കുന്നതിനൊപ്പം മൂന്നുമാസം തുടര്‍ച്ചയായി ഹരിതകര്‍മ സേനക്ക് യൂസൾ ഫീ നല്‍കാതിരുന്നാല്‍ നടപടിയെടുക്കുന്നതിനും പദ്ധതി വരുന്നുണ്ട്. യൂസര്‍ ഫീ നല്‍കാത്തവരുടെ വിശദാംശങ്ങള്‍ ഹരിതകര്‍മ സേനാംഗങ്ങള്‍ രേഖാമൂലം നല്‍കിയാല്‍ നടപടിയെടുക്കണമെന്നാണ് പഞ്ചായത്ത് സെക്രട്ടറിക്കുള്ള സര്‍ക്കാര്‍ നിർദേശം. രാജാക്കാട്ട് വീടുകള്‍ക്കും സ്ഥാപനങ്ങള്‍ക്കും ഹരിത സ്റ്റിക്കർ എല്ലാ കുടുംബങ്ങളും യൂസര്‍ ഫീ നല്‍കുന്ന അഞ്ച് വാര്‍ഡുകളാണ് രാജാക്കാട് പഞ്ചായത്തിലുള്ളത്. ഈ വാര്‍ഡുകളിലെ എല്ലാ കുടുംബങ്ങളെയും ആദരിക്കാനാണ് പഞ്ചായത്ത് തീരുമാനം. എന്നാലും ആദ്യഘട്ടമായി പഞ്ചായത്തിലെ 13 വാര്‍ഡുകളിലെയും കൃത്യമായി യൂസര്‍ ഫീ നല്‍കുന്ന 100 കുടുംബങ്ങളെയും വ്യാപാരസ്ഥാപനങ്ങളെയുമാണ് ആദരിക്കുക. ഇതനുസരിച്ച് പഞ്ചായത്തിലെ 1300 വീടുകള്‍ക്കും 430 സ്ഥാപനങ്ങള്‍ക്കുമാണ് ഹരിത സ്റ്റിക്കറുകള്‍ നല്‍കുക. പ്രസിഡൻറ്, സെക്രട്ടറി, വാര്‍ഡ് മെംബര്‍ എന്നിവരുടെ നേതൃത്വത്തില്‍ വീടുകളിലും സ്ഥാപനങ്ങളിലുമെത്തിയാകും സ്റ്റിക്കര്‍ പതിക്കുകയെന്ന് പ്രസിഡൻറ് സതി കുഞ്ഞുമോന്‍ പറഞ്ഞു. മികച്ച തദ്ദേശഭരണ സ്ഥാപനത്തെ കണ്ടെത്തുന്നതിനുള്ള മാനദണ്ഡമായി യൂസര്‍ഫീ ശേഖരണത്തെ ഉള്‍പ്പെടുത്താനും സര്‍ക്കാര്‍ നിർദേശമുണ്ട്. ചിത്രം - TDL109 STICKER രാജാക്കാട് ഗ്രാമപഞ്ചായത്ത് ഡിസൈന്‍ ചെയ്ത ഹരിത സ്റ്റിക്കര്‍
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.