തൊടുപുഴ: എല്ലാ വാർഡുകളിലേക്കും എൽ.ഡി.എഫും ബി.ജെ.പിയും സ്ഥാനാർഥികളെ പ്രഖ്യാപിച്ചപ്പോഴും തൊടുപുഴ നഗരസഭയിലെ ചില വാർഡുകളിൽ യു.ഡി.എഫിൻെറ സ്ഥാനാർഥികളെ സംബന്ധിച്ച ആശയക്കുഴപ്പം തുടരുന്നു. കഴിഞ്ഞതവണ കോൺഗ്രസ് മത്സരിച്ച രണ്ട് വാർഡുകളിൽ സ്ഥനാർഥികളെ സംബന്ധിച്ച തർക്കം രൂക്ഷമാണ്. 19ാം വാർഡിൽ നിഷ സക്കീറിനെയും 21ാം വാർഡിൽ നിഷ സോമനെയും സ്ഥാനാർഥികളായി തീരുമാനിച്ചതായാണ് ഒടുവിൽ ലഭിക്കുന്ന വിവരം. കെ.പി.സി.സി സ്ഥാനാർഥി നിർണയസമിതി ഇടപെട്ടാണ് തീരുമാനമെടുത്തതെങ്കിലും ഔദ്യോഗിക പ്രഖ്യാപനം ആയിട്ടില്ലെന്നാണ് നേതാക്കൾ പറയുന്നത്. യു.ഡി.എഫ് മാനദണ്ഡം അനുസരിച്ച് കേരള കോൺഗ്രസിന് നൽകിയ 12ാം വാർഡിൽ ഡി.സി.സി സെക്രട്ടറിയും മുൻ കൗൺസിലറുമായ ഷിബിലി സാഹിബും കേരള കോൺഗ്രസ് അംഗമായ ജോഷി മാണിയും പത്രിക നൽകിയിട്ടുണ്ട്. എന്നാൽ, തർക്കം നിലനിൽക്കുന്ന വാർഡുകളെ സംബന്ധിച്ച ഡി.സി.സി അഭിപ്രായം കെ.പി.സി.സിയിൽ അറിയിച്ചിട്ടുണ്ടെന്നും ഇതുപ്രകാരം തിങ്കളാഴ്ചയേ ഔദ്യോഗിക സ്ഥാനാർഥി പ്രഖ്യാപനം ഉണ്ടാകൂ എന്നുമാണ് ഡി.സി.സി പ്രസിഡൻറ് ഇബ്രാഹീംകുട്ടി കല്ലാർ ചൂണ്ടിക്കാട്ടുന്നത്. വൈദ്യുതി മുടങ്ങും ആലക്കോട്: 11 KV ലൈനിൽ അറ്റകുറ്റപ്പണി നടക്കുന്നതിനാൽ ആലക്കോട് സെക്ഷൻ പരിധിയിൽപെട്ട മുത്താട്, പന്നിമറ്റം, പൂമാല, മേത്തൊട്ടി, നാളിയാനി, വെള്ളിയാമറ്റം, പൂച്ചപ്ര ദേവരുപാറ പ്രദേശങ്ങളിൽ ചൊവ്വാഴ്ച രാവിലെ ഒമ്പതുമുതൽ വൈകീട്ട് ആറുവരെ വൈദ്യുതി മുടങ്ങും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.