കൊച്ചി: മോൻസ് ജോസഫ് എം.എൽ.എ പ്രസിഡൻറായ കേരള ഗവ. കോൺട്രാക്ടേഴ്സ് അസോസിയേഷൻ ഭാരവാഹികളുടെ ഫണ്ട് തിരിമറി സംബന്ധിച്ച് അന്വേഷണം ആവശ്യപ്പെടുന്ന ഹരജിയിൽ ഹൈകോടതി വിശദീകരണം തേടി. സംസ്ഥാന സർക്കാറിനെയും മോൻസ് ജോസഫ്, ജനറൽ സെക്രട്ടറി സാനി ചെന്നിക്കര എന്നിവരെയും എതിർ കക്ഷികളാക്കി കൊല്ലം മുളവന സ്വദേശി എം.വൈ സോളമൻ നൽകിയ ഹരജിയിലാണ് എതിർ കക്ഷികൾക്ക് നോട്ടീസ് ഉത്തരവായത്. 2016 ജനുവരി ഒന്നു മുതൽ അസോസിയേഷൻ ഭാരവാഹികൾ നടത്തിയ ഇടപാടുകൾ വിജിലൻസ് അന്വേഷിക്കണമെന്നാണ് ആവശ്യം. ദീർഘകാലം ജനറൽ സെക്രട്ടറിയായിരുന്ന പി. വിശ്വനാഥൻ സ്ഥാനം ഒഴിയുമ്പോൾ അസോസിയേഷൻ ഫണ്ടിൽ 50 ലക്ഷമുണ്ടായിരുന്നു. പിന്നീട് ചുമതലയേറ്റവർ ക്രമക്കേട് നടത്തുകയും രേഖകളിൽ കൃത്രിമം കാട്ടുകയും ചെയ്തു. പ്രശ്നം പരിശോധിക്കാൻ തിരുവനന്തപുരം ജില്ല രജിസ്ട്രാർക്ക് ഹൈകോടതി നിർദേശം നൽകിയെങ്കിലും മതിയായ അന്വേഷണമോ പരിശോധനയോ കൂടാതെ പരാതി തള്ളിയതായും ഹരജിയിൽ ആരോപിക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.