പുളിങ്കുന്ന് പഞ്ചായത്ത് കണ്ടെയ്ൻമൻെറ് സോൺ ആലപ്പുഴ: കുട്ടനാട് താലൂക്കിലെ പുളിങ്കുന്ന് ഗ്രാമപഞ്ചായത്ത് പരിധിയിലുള്ള മുഴുവന് പ്രദേശങ്ങളും കണ്ടെയ്ന്മൻെറ് സോണായി പ്രഖ്യാപിച്ച് കലക്ടര് ഉത്തരവിട്ടു. പുളിങ്കുന്ന് ഗ്രാമപഞ്ചായത്തില് അഞ്ചാം വാര്ഡില് കോവിഡ് രോഗബാധ സ്ഥിരീകരിച്ചയാള്ക്ക് പഞ്ചായത്തിലെ ഒട്ടനവധി ആളുകളുമായി സമ്പര്ക്കം ഉണ്ടായിട്ടുണ്ടെന്ന് ജില്ല മെഡിക്കല് ഓഫിസര് റിപ്പോര്ട്ട് ചെയ്തിരുന്നു. പഞ്ചായത്തിലെ 5,6,14,15 വാര്ഡുകള് നിലവില് കണ്ടെയ്ന്മൻെറ് സോണുകളാണ്. രോഗ വ്യാപനം തടയുന്നതിന് പഞ്ചായത്ത് പരിധിയിലുള്ള മുഴുവന് പ്രദേശങ്ങളും കണ്ടെയ്ന്മൻെറ് സോണ് ആക്കണമെന്ന് ജില്ല മെഡിക്കല് ഓഫിസര് നിർദേശിച്ചിരുന്നു. ഈ സാഹചര്യത്തിലാണ് പുളിങ്കുന്ന് പഞ്ചായത്ത് കണ്ടെയ്ന്മൻെറ് സോണാക്കി ജില്ല ദുരന്ത നിവാരണ അതോറിറ്റി ചെയര്മാന് കൂടിയായ കലക്ടര് ഉത്തരവിട്ടത്. പഞ്ചായത്തിലെ വാഹന ഗതാഗതം നിരോധിച്ചു. അവശ്യവസ്തുക്കളുടെ വിതരണത്തിനും അടിയന്തര വൈദ്യ സഹായത്തിനുമുള്ള യാത്രക്കും നിയന്ത്രണങ്ങള്ക്ക് വിധേയമായി ഇളവുകള് ഉണ്ടാകും. ആലപ്പുഴ- ചങ്ങനാശ്ശേരി റോഡിലൂടെ ഗതാഗതം അനുവദിച്ചിട്ടുണ്ട്. ഭക്ഷ്യവസ്തുക്കള് വിതരണം ചെയ്യുന്ന സ്ഥാപനങ്ങള്ക്ക് രാവിലെ 8 മണി മുതല് 11 മണിവരെയും പൊതുവിതരണ സ്ഥാപനങ്ങള്ക്ക് രാവിലെ 8 മണി മുതല് ഉച്ചക്ക് 2 മണി വരെയും പ്രവര്ത്തിക്കാം. ഒരേ സമയം അഞ്ചിലധികം പേര് എത്താന് പാടില്ല. മറ്റ് സ്ഥാപനങ്ങള് തുറക്കാന് പാടില്ല. നാലിലധികം ആളുകള് കൂട്ടംകൂടാനും പാടില്ല. പ്രദേശത്ത് പൊലീസ്, തദ്ദേശസ്വയം ഭരണ വകുപ്പ്, ആരോഗ്യവിഭാഗം എന്നിവയുടെ നിരീക്ഷണവും ശക്തമാക്കും. ആരാധനാലയങ്ങള് തുറക്കാന് പാടില്ല. വിവാഹം, മരണാനന്തര ചടങ്ങുകള് എന്നിവക്ക് സുരക്ഷാമാനദണ്ഡങ്ങള് പാലിച്ച് പരമാവധി 20 പേര്ക്ക് പങ്കെടുക്കാം. കോവിഡ് 19 രോഗനിര്വ്യാപന പ്രവര്ത്തനവുമായി നേരിട്ട് ബന്ധമുള്ള സര്ക്കാര് ഓഫിസുകള് മാത്രം അവശ്യജീവനക്കാരെ െവച്ച് പ്രവര്ത്തിപ്പിക്കാം. ഉത്തരവുകള് ലംഘിക്കുന്നവര്ക്കെതിരെ പകര്ച്ചവ്യാധി നിയന്ത്രണ നിയമപ്രകാരവും 2005 ദുരന്തനിവാരണ നിയമപ്രകാരവും ഐ.പി.സി െസക്ഷന് 188, 269 പ്രകാരവും നടപടി സ്വീകരിക്കുമെന്നും കലക്ടർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.