കൊച്ചി: കാർഷിക ഭേദഗതി നിയമങ്ങളും വൈദ്യുതി ഭേദഗതി ബില്ലും പിൻവലിക്കണമെന്നാവശ്യപ്പെട്ട് കർഷകർ നടത്തുന്ന സമരത്തിന് ഐക്യദാർഢ്യം പ്രഖ്യാപിച്ച് വൈദ്യുതി മേഖലയിലെ തൊഴിലാളികളും ഓഫിസർമാരും എൻജിനീയർമാരും ബുധനാഴ്ച പണിമുടക്കും. നാഷനൽ കോഓഡിനേഷൻ കമ്മിറ്റി ഓഫ് ഇലക്ട്രിസിറ്റി എംപ്ലോയീസ് ആൻഡ് എൻജിനീയേഴ്സ് (എൻ.സി.സി.ഇ.ഇ.ഇ) ആണ് പണിമുടക്ക് ആഹ്വാനം ചെയ്തത്. പുതിയ ഭേദഗതികൾ കോർപറേറ്റുകൾക്ക് വേണ്ടിയാണെന്നും കുറഞ്ഞ നിരക്കിൽ വൈദ്യുതി ലഭ്യമാക്കുന്ന ക്രോസ് സബ്സിഡി സമ്പ്രദായം ഇല്ലാതാക്കുമെന്നും എൻ.സി.സി.ഇ.ഇ.ഇ ചൂണ്ടിക്കാട്ടി. കൂടാതെ വൈദ്യുതി ചാർജ് വൻതോതിൽ വർധിക്കുകയും ചെയ്യും. ഓൾ ഇന്ത്യ ഫെഡറേഷൻ ഓഫ് ഇലക്ട്രിസിറ്റി എംപ്ലോയീസ് അഡീഷനൽ ജനറൽ സെക്രട്ടറി എ.എൻ. രാജൻ, കേരള ഇലക്ട്രിസിറ്റി വർക്കേഴ്സ് ഫെഡറേഷൻ സംസ്ഥാന സെക്രട്ടറി ജേക്കബ് ലാസർ, ഓർഗനൈസിങ് സെക്രട്ടറി കെ.സി. മണി വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.