ഇരകൾക്ക്​ വേണ്ടത്​ നീതി; അധിക്ഷേപമല്ല -പ്രിയങ്ക

ന്യൂഡൽഹി: സവർണർ കൂട്ടബലാത്സംഗം ചെയ്​തു കൊലപ്പെടുത്തിയ ദലിത്​ പെൺകുട്ടിയെ അധിക്ഷേപിച്ച്​ ബി.ജെ.പി നേതാക്കൾ നടത്തുന്ന പ്രസ്​താവനകൾക്കെതിരെ കോൺഗ്രസ്​ നേതാവ്​ പ്രിയങ്ക ഗാന്ധി. നാണമില്ലാത്ത ബി.ജെ.പി എന്ന ഹാഷ്​ടാഗിൽ ഇരക്ക്​ വേണ്ടത്​ നീതിയാണെന്നും അധിക്ഷേപമല്ലെന്നും അവർ ട്വീറ്റു ചെയ്​തു.

ഹാഥ​റസിലുണ്ടായത്​ നീചമായ കുറ്റകൃത്യമാണ്​. അവളുടെ മൃതദേഹം കുടുംബ​ത്തെ മാറ്റിനിർത്തി ദഹിപ്പിച്ചു. പെൺകുട്ടിയുടെ സ്വഭാവം മോശമാണെന്നു വരുത്താനും അതിക്രമത്തി​െൻറ ഉത്തരവാദിത്തം അവർക്കാണെന്നു വരുത്താനുമായി കഥമെനയുന്ന നടപടി അരോചകവും പിന്തിരിപ്പനുമാണെന്നും പ്രിയങ്ക വിവിധ ട്വീറ്റുകളിലായി കുറിച്ചു.