ന്യൂഡൽഹി: കേന്ദ്ര സര്‍ക്കാരിെൻറ ഭീരുത്വത്തിന് ഇന്ത്യ വലിയ വില നല്‍കേണ്ട അവസ്ഥയാണ് നിലനിൽക്കുന്നതെന്ന് കോണ്‍ഗ്രസ് നേതാവ് രാഹുല്‍ ഗാന്ധി. ലഡാക്കിലെ ചൈന അതിര്‍ത്തി സംഘര്‍ഷം സംബന്ധിച്ചാണ് ട്വിറ്ററിൽ രാഹുലിെൻറ വിമർശനം.
അതിര്‍ത്തിയിലെ ചൈനീസ് ആക്രമണത്തിന് പ്രധാനമന്ത്രി നരേന്ദ്ര മോദി കീഴടങ്ങിയതായി രാഹുൽ ആരോപിച്ചു. 'ചൈന നമ്മുടെ ഭൂമി സ്വന്തമാക്കിയപ്പോള്‍ ഇന്ത്യന്‍ സര്‍ക്കാരിെൻറ പെരുമാറ്റം ചേംബര്‍ലെയിൻ പോലെയായി. ഇത് ചൈനയ്ക്ക് കൂടുതല്‍ ധൈര്യം നൽകിയെന്നും' രാഹുല്‍ പറഞ്ഞു. 1930-കളില്‍ ഹിറ്റ്‌ലറേയും നാസി ജര്‍മനിയേയും പ്രീണിപ്പിക്കുന്ന നയം പിന്തുടര്‍ന്ന മുന്‍ ബ്രിട്ടീഷ് പ്രധാനമന്ത്രി നെവില്‍ ചേംബര്‍ലൈനെ താരതമ്യപ്പെടുത്തുകയാണ് രാഹുൽ ചെയ്തത്.
ലഡാക്കില്‍ പ്രതിരോധ മന്ത്രി രാജ്‌നാഥ് സിങ് സൈനികരോട് സംസാരിക്കുന്ന ഹ്രസ്വവീഡിയോയും രാഹുല്‍ ട്വീറ്റില്‍ ഉള്‍പ്പെടുത്തിയിട്ടുണ്ട്. നമ്മുടെ ഭൂമിയുടെ ഒരിഞ്ച് പോലും ലോകത്തിലെ ഒരു ശക്തിക്കും തട്ടിയെടുക്കാനാവില്ലെന്ന് രാജ്‌നാഥ് വീഡിയോയില്‍ പറയുന്നുണ്ട്. പ്രധാനമന്ത്രി നരേന്ദ്ര മോദിയും കഴിഞ്ഞ മാസം സമാനം പ്രസ്താവനയുമായി രംഗത്തെത്തിയിരുന്നു.
China has taken our land and GOI is behaving like Chamberlain. This will further embolden China.
— Rahul Gandhi (@RahulGandhi) July 18, 2020
India is going to pay a huge price because of GOI’s cowardly actions. pic.twitter.com/5ewIFvj5wy
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.