വിവാഹ ദിവസം സ്പെഷ്യൽ ആക്കണമെന്ന് ആഗ്രഹിക്കുന്ന ധാരാളംപേരുണ്ട്. തന്റെ വിവാഹദിനം ജീവിതകാലം മുഴുവൻ ഓർമിക്കപ്പെടുന്ന ഒന്നാക്കിമാറ്റുകയാണ് ഇതുകൊണ്ട് ഇവർ ആഗ്രഹിക്കുന്നത്. വധുവിന്റെ എൻട്രി മുതൽ വരന്റെ വരവേൽപ്പ്‌ വരെയുള്ള വിവിധ തരത്തിലുള്ള പരിപാടികൾ വിവാഹങ്ങളിലുണ്ട്. വിവാഹ വേഷത്തിൽ ബുള്ളറ്റിൽ കതിർമണ്ഡപത്തിലേക്ക് പോകുന്ന പെൺകുട്ടിയുടെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.
മേക്കപ്പ് ആർട്ടിസ്റ്റ് ദീപാലിയും വധു വൈശാലി ചൗധരിയും ചേർന്നാണ് വിഡിയോ ഇൻസ്റ്റഗ്രാമിൽ പോസ്റ്റ് ചെയ്തത്. പച്ചയും ഗോൾഡൻ നിറവും കലർന്ന ഹെവി ലെഹംഗയാണ് വൈശാലി ധരിച്ചിരിക്കുന്നത്. ബൈക്കിൽ കയറുമ്പോൾ പിതാവിനോട് ഇവർ ഇങ്ങിനെതന്നെ പോണമെന്ന് പറയുന്നുമുണ്ട്.
'അവർ വളരെ ആത്മവിശ്വാസമുയാളാണ്. അവർ യാത്ര നന്നായി ആസ്വദിച്ചെന്ന് തോന്നുന്നു. കനത്ത ആഭരണങ്ങളും ലെഹങ്കയും ധരിച്ച് ബൈക്ക് ഓടിക്കുന്നത് അതിശയമാണ്'-ഒരാൾ കമന്റിൽ കുറിച്ചു. പങ്കുവെച്ച് അധികമാവും മുമ്പുതന്നെ ലക്ഷക്കണക്കിന് കാഴ്ചക്കാരെ സ്വന്തമാക്കാൻ വിഡിയോക്കായി.
പ്രവേശനം നടത്തുക എന്നത് ഓരോ വധുവിന്റെയും സ്വപ്നമാണ്, എന്നാൽ ഈ വധു ചെയ്തത് പലർക്കും പിൻവലിക്കാൻ കഴിയില്ല. കനത്ത ലെഹംഗ ധരിച്ച്, വൈശാലി റോയൽ എൻഫീൽഡിൽ അത്രയും മിടുക്കോടെയാണ് സഞ്ചരിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.