പഴയ സിറ്റിക്ക് 1.6ലക്ഷത്തിെൻറ ഇളവുനൽകി ഹോണ്ട
കഴിഞ്ഞ മാസമാണ് അഞ്ചാം തലമുറ സിറ്റി ഹോണ്ട ഷോറൂമുകളിലെത്തിയത്. ഇൗ പശ്ചാത്തലിത്തിൽ പഴയ സിറ്റിയുടെ തെരഞ്ഞെടുത്ത മോഡലുകൾക്ക് വമ്പിച്ച വിലയിളവ് നൽകിയിരിക്കുകയാണ് കമ്പനി. ഇതിെൻറ ഭാഗമായി 1.6 ലക്ഷം രൂപ വരെ ആനുകൂല്യങ്ങൾ ഉപഭോക്താക്കൾക്ക് ലഭിക്കും.
നിലവിൽ എസ്‌.വി, വി, വി.എക്സ്, ഇസഡ്.എക്സ് എന്നിങ്ങനെ നാല് വേരിയൻറുകളിൽ വാഹനം ലഭ്യമാണ്. ഇതിൽ ഉയർന്ന രണ്ട് വേരിയൻറുകൾക്കാണ് കൂടുതൽ ഇളവ് നൽകുക. 1.30-1.60 ലക്ഷം വരെ ആനുകൂല്യങ്ങളാണ് സിറ്റി ഇസഡ് എക്സിന് വാഗ്ദാനം ചെയ്യുന്നത്. 1.10 ലക്ഷം രൂപ വരെ കിഴിവോടെ ഇസഡ് എക്സ് സി.വി.ടി മോഡലുകൾ ലഭ്യമാണ്. മാനുവലിൽ 80,000 രൂപ വരെ കിഴിവുണ്ട്.
മധ്യനിരയിലെ വി എക്സ് ട്രിം 70,000 രൂപ വരെ കിഴിവോടെ ലഭ്യമാണ്. സിറ്റി ഇസഡ് എക്സ് മാനുവൽ, സി.വി.ടി, വി എക്സ് സി.വി.ടി വേരിയൻറുകൾക്ക് 50,000 രൂപ വരെ എക്സ്ചേഞ്ച് ആനുകൂല്യങ്ങളും ലഭിക്കും. സിറ്റിയെക്കൂടാതെ ഡീസൽ സിവിക് എക്സിക്യൂട്ടീവ് സെഡാനിലും ഹോണ്ട വിലയിളവ് വാഗ്ദാനം ചെയ്യുന്നുണ്ട്. സിവിക് ഡീസൽ രണ്ടര ലക്ഷം രൂപ വരെ കിഴിവോടെ ലഭ്യമാണ്. പെട്രോൾ സിവികിന് ഒരു ലക്ഷം രൂപ വരെ വില കുറയും.
കോംപാക്റ്റ് സെഡാൻ അമേസിന് എക്സ്റ്റൻറഡ് വാറണ്ടിയും 15,000 രൂപ വരെ എക്സ്ചേഞ്ച് ആനുകൂല്യവും ഹോണ്ട നൽകുന്നുണ്ട്. പുതിയ സിറ്റി, ഡബ്ല്യുആർ-വി ഫെയ്‌സ്‌ലിഫ്റ്റ്, ബിഎസ് 6 സിവിക് ഡീസൽ എന്നിവ പുറത്തിറക്കി വിപണിയിൽ സ്വാധീനംചെലുത്താനാണ് നിലവിൽ ഹോണ്ടയുടെ ശ്രമം. വരും ആഴ്ചകളിൽ പുതിക്കിയ ജാസ് വിപണിയിലെത്തിക്കാനും നീക്കമുണ്ട്. അപ്‌ഡേറ്റുചെയ്‌ത ജാസ്സിനായുള്ള ബുക്കിംഗ് തുടങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.