റിയാദ്: 29 വർഷം നീണ്ട പ്രവാസം അവസാനിപ്പിച്ച് നാട്ടിലേക്കു പോകുന്ന റിയാദിലെ കേളി കലാസാംസ്‌കാരിക വേദി നസീം ഏരിയ ഷാര ഹംസ യൂനിറ്റ് അംഗം സി. ഉമറിന് യൂനിറ്റിെൻറ നേതൃത്വത്തിൽ യാത്രയയപ്പ് നൽകി. നസീമിലെ കാർ വർക്ക്ഷോപ്പിൽ പെയിൻററായി ജോലി ചെയ്തിരുന്ന ഉമർ നിലമ്പൂർ ചുങ്കത്തറ സ്വദേശിയാണ്.
യൂനിറ്റ് പരിധിയിൽ ചേർന്ന യാത്രയയപ്പ് യോഗത്തിൽ പ്രസിഡൻറ് ഹാരിസ് അധ്യക്ഷത വഹിച്ചു. രക്ഷാധികാരി സമിതി അംഗം ഗോപിനാഥൻ, ഏരിയ സെക്രട്ടറി ജോഷി പെരിഞ്ഞനം, ഏരിയ ട്രഷറർ കെ.ഇ. ഷാജി, രവീന്ദ്രനാഥൻ, ഗോപാലകൃഷ്ണൻ എന്നിവർ സംസാരിച്ചു. യൂനിറ്റിെൻറ ഉപഹാരം ഉമറിന് യൂനിറ്റ് സെക്രട്ടറി സജീവ് കൈമാറി. യൂനിറ്റ് സെക്രട്ടറി സജീവ് സ്വാഗതവും ഉമർ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.