ജിദ്ദ: കഅ്ബയുടെ കിസ്വ കൈമാറ്റം ദുൽഹജ്ജ് പത്തിന് നടക്കും. ഇത്തവണ ബലിപെരുന്നാൾ ദിവസമായിരിക്കും കിസ്വ കൈമാറ്റമെന്നും സൽമാൻ രാജാവ് കഅ്ബയുടെ മുതിർന്ന പരിചാരകന് കിസ്വ കൈമാറുമെന്നും ഇരുഹറം കാര്യാലയം മേധാവി ഡോ. അബ്ദുറഹ്മാൻ അൽസുദൈസ് വ്യക്തമാക്കി. പഴയ കിസ്വ മാറ്റി പുതിയത് കഅ്ബയെ പുതപ്പിക്കുന്നത് മുഹർറം ഒന്നിനായിരിക്കുമെന്ന് അദ്ദേഹം പറഞ്ഞു. പതിവനുസരിച്ച് ദുൽഹജ്ജ് ആദ്യത്തിലാണ് പുതിയ കിസ്വ കൈമാറ്റ ചടങ്ങ് നടക്കാറ്. സൽമാൻ രാജാവിനുവേണ്ടി മക്ക ഗവർണറാണ് ഇരുഹറം കാര്യാലയത്തിൽനിന്ന് കിസ്വ കഅ്ബയുടെ പരിചാരകന് കൈമാറുന്നത്. പിന്നീട് ദുൽഹജ്ജ് പത്ത് അറഫ ദിനത്തിലാണ് കഅ്ബയെ അത് പുതപ്പിക്കാറുള്ളത്. എന്നാൽ ഇത്തവണ കിസ്വ കൈമാറ്റ ചടങ്ങ് ദുൽഹജ്ജ് പത്തിലേക്കും പുതപ്പിക്കൽ മുഹറം ആദ്യത്തിലേക്കും മാറ്റിയിരിക്കുകയാണ്. പുതിയ കിസ്വയുടെ നിർമാണ ജോലികൾ പൂർത്തിയായിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.