തമിഴ് സൂപ്പർതാരം സൂര്യ കേന്ദ്ര കഥാപാത്രമായി ആമസോൺ പ്രൈമിൽ ലോകമെമ്പാടുമായി റിലീസ് ചെയ്ത സൂരറൈ പൊട്ര് എന്ന ചിത്രത്തിന് സമൂഹ മാധ്യമങ്ങളിൽ ഗംഭീര അഭിപ്രായമാണ് ലഭിച്ചുകൊണ്ടിരിക്കുന്നത്. എന്നാൽ, പ്രൈമിൽ ഒൗദ്യോഗികമായി റിലീസ് ചെയ്യുംമുമ്പ് ടെലഗ്രാമിലും മറ്റ് ഒാൺലൈൻ സൈറ്റുകളിലും ചിത്രം ലഭ്യമായതോടെ പ്രതിഷേധവുമായി സൂര്യ ആരാധകരും സിനിമ പ്രേമികളും രംഗത്തെത്തി.
നവംബർ 12, അർധരാത്രി 12 മണിക്കായിരുന്നു സൂരറൈ പൊട്ര് ഒൗദ്യോഗികമായി റിലീസ് ചെയ്യേണ്ടിയിരുന്നത്. എന്നാൽ, രണ്ട് മണിക്കൂർ മുൻപേ ചിത്രം പ്രൈമിൽ ലഭ്യമായിരുന്നു. ചില രാജ്യങ്ങളിൽ നേരത്തെ റിലീസ് ചെയ്യപ്പെടുകയും ചെയ്തിരുന്നു. ടെലഗ്രാമിൽ ചിത്രം ലഭ്യമായിത്തുടങ്ങിയെന്ന് ചിലർ നവംബർ 11 രാത്രി 9.30ന് സമൂഹ മാധ്യമങ്ങളിൽ പോസ്റ്റ് ചെയ്തതോടെയാണ് ലീക്കായ വിവരം പുറംലോകമറിയുന്നത്. എന്തായാലും സൂര്യയുടെ ആരാധകർ ഇതിനെതിരെ രംഗത്തെത്തിയിട്ടുണ്ട്.
നേരത്തെ പ്രൈമിൽ റിലീസ് ചെയ്ത ചില ചിത്രങ്ങൾ പെട്ടന്ന് തന്നെ പൈറസി സൈറ്റുകളിലൂടെയും ടെലഗ്രാമിലൂടെയും ലീക്കായതിനെ തുടർന്ന് ആമസോൺ പരാതി നൽകുകയും 'തമിഴ് റോക്കേഴ്സ്' എന്ന കുപ്രസിദ്ധ പൈറസി വെബ് സൈറ്റിനെ വിലക്കുകയും ചെയ്തിരുന്നു. വമ്പൻ തുകക്ക് ആമസോൺ സ്വന്തമാക്കിയ സൂരറൈ പൊട്ര് ടെലഗ്രാമിൽ അതിവേഗമെത്തിയതോടെ അടുത്ത നീക്കം അവർക്കെതിരായാൽ അദ്ഭുതപ്പെടാനില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.