ഏറെ പ്രതീക്ഷയോടെ എത്തിയ ഷാറൂഖ് ഖാൻ ചിത്രമാണ് പത്താൻ. ജനുവരി 25 ന് തിയറ്ററുകളിൽ എത്തിയ ചിത്രം മികച്ച പ്രേക്ഷക സ്വീകാര്യത നേടി പ്രദർശനം തുടരുകയാണ്.
ആഗോളതലത്തിൽ 1000 കോടി ക്ലബ്ബിൽ ഇടംപിടിച്ച ചിത്രം മറ്റൊരു നേട്ടം സ്വന്തമാക്കിയിരിക്കുന്നു. ഏറ്റവും കൂടുതൽ കളക്ഷൻ നേടിയ ബോളിവുഡ് ചിത്രമായിരിക്കുകയാണ് പത്താൻ. ട്രേഡ് അനലിസ്റ്റ് തരൺ ആദർശാണ് ട്വിറ്ററിലൂടെ ഇക്കാര്യം വ്യക്തമാക്കിയത്.
ബാഹുബലി ഹിന്ദി പതിപ്പിന്റെ റെക്കോഡാണ് 38 ദിവസംകൊണ്ട് പത്താൻ മറികടന്നത്. 2017 ൽ പുറത്തിറങ്ങിയ ബാഹുബലി (ഹിന്ദി) പതിപ്പ് 38 ദിവസം കൊണ്ട് നേടിയത് 510 കോടിയാണ്. 509 കോടിയാണ് പത്താന്റെ 37 ദിവസത്തെ കളക്ഷൻ. അതേസമയം ചിത്രത്തിന്റെ 38ാം ദിവസത്തെ കളക്ഷൻ റിപ്പോർട്ട് പുറത്തു വന്നിട്ടില്ല. ബാഹുബലിയുടെ കൂടാതെ കെ.ജി.എഫ് (ഹിന്ദി), ദംഗലിന്റേയും കളക്ഷൻ പത്താൻ മറികടന്നിട്ടുണ്ട്.
2018 ൽ പുറത്ത് ഇറങ്ങിയ സീറോക്ക് ശേഷം റിലീസിനെത്തുന്ന ഷാറൂഖ് ഖാൻ ചിത്രമാണ് പത്താൻ. സീറോയുടെ പരാജയത്തോടെ നടൻ ചെറിയ ഇടവേള എടുക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.