ലണ്ടൻ പശ്ചാത്തലമാക്കി ഒരുങ്ങുന്ന പുതിയ മലയാളം ചിത്രം ‘കണ്ടൻ’ റിലീസിനൊരുങ്ങുന്നു. മനുഷ്യ മനസ്സിന്റെ ഇരുണ്ട വഴികളിലൂടെ സഞ്ചരിക്കുന്ന ശക്തമായ ഒരു സൈക്കോളജിക്കൽ ക്രൈം ത്രില്ലറാണ് ഈ ചിത്രം. സെന്റ് മേരീസ് അസോസിയേറ്റ്സിന്റെ ബാനറിൽ ഒരുങ്ങുന്ന ചിത്രം ഈ വർഷം പകുതിയോടെ ഇന്ത്യയിലെയും യു.കെയിലെയും തിയറ്ററുകളിൽ എത്തും.
പൂർണ്ണമായും പുതുമുഖങ്ങളെ അണിനിരത്തിക്കൊണ്ടാണ് സിനിമ പ്രേക്ഷകരിലേക്ക് എത്തുന്നത്. നവാഗതനായ ജിബിൻ ആന്റണിയാണ് ചിത്രത്തിന്റെ സംവിധാനം, തിരക്കഥ, എഡിറ്റിങ് എന്നിവ നിർവ്വഹിക്കുന്നത്. കാമറ കൈകാര്യം ചെയ്യുന്നത് ജിബിൻ ആന്റണിയും അലൻ ജേക്കബും ചേർന്നാണ്. സംഗീതം: ജയ്സൺ ജോൺ, ആലാപനം: സൂരജ് സന്തോഷ്, ഗാനരചന: ജിബിൻ ആന്റണി, ആർട്ട് ഡയറക്ടർ: ജെറിൻ തൊട്ടപ്പിള്ളി ജോണി, ലൈൻ പ്രൊഡ്യൂസർ: ഫിലിപ്പ് കെ. ജെ, ക്രിയേറ്റീവ് ഹെഡ്: ബെന്നി ആശംസ, പി.ആർ.ഒ: എം. കെ. ഷെജിൻ.
അനു അടൂർ, നിഷ നായർ, ദീപക് ജയൻ എന്നിവർ അസോസിയേറ്റ് ഡയറക്ടർമാരായും ജ്യോതിഷ് ജോസ് കോ-ഓർഡിനേറ്ററായും പ്രവർത്തിക്കുന്നു. സന്ദീപ് പീറ്റർ, ബേസിൽ കുട്ടമ്പുഴ എന്നിവരാണ് പ്രൊഡക്ഷൻ കൺട്രോളർമാർ. പോസ്റ്റ്-പ്രൊഡക്ഷൻ കോർഡിനേറ്റർ: സാൻ ആന്റണി ജോർജ്, ഡബ്ബിങ്: ജീസൻ സാഗർ, കളർ ഗ്രേഡിങ്: സുരേഷ് എസ്.ആർ, സൗണ്ട് മിക്സിങ്: സന്ദീപ് ശ്രീധരൻ എന്നിവരാണ് മറ്റ് സാങ്കേതിക വിദഗ്ധർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.