ആമിർ ഖാന്റെ കരിയറിലെ ഏറ്റവും വലിയ വിജയ ചിത്രങ്ങളിലൊന്നാണ് ‘ത്രീ ഇഡിയറ്റ്സ്’. രാഞ്ചോ ആയി ആമിറും ഫർഹാൻ ഖുറേഷിയായി ആർ. മാധവനും രാജു റസ്തോഗിയായി ഷർമൻ ജോഷിയും തകർത്താടിയ ചിത്രം 2009-ലായിരുന്നു റിലീസ് ചെയ്തത്. കരീന കപൂർ നായികയായ ചിത്രം രാജ്കുമാർ ഹിറാനിയായിരുന്നു സംവിധാനം ചെയ്തത്.
ത്രീ ഇഡിയറ്റ്സ് ഇപ്പോഴും നല്ല കൂട്ടാണ്. രാജുവിന് ഒരു ആവശ്യം വന്നപ്പോൾ രാഞ്ചോയും ഫർഹാനും ഓടിയെത്തി അത് തെളിയിക്കുകയും ചെയ്തു. അതിന്റെ വിഡിയോ ഇപ്പോൾ സമൂഹ മാധ്യമങ്ങളിൽ വൈറലാണ്.
ഷർമൻ ജോഷിയുടെ വരാനിരിക്കുന്ന ഗുജറാത്തി ചിത്രമായ 'കൺഗ്രാജുലേഷന്റെ' പ്രമോഷന് വേണ്ടിയാണ് മൂന്ന് ബോളിവുഡ് താരങ്ങളും വീണ്ടും ഒന്നിച്ചത്. വിഡിയോയിൽ, മൂവരും ഒരുപോലുള്ള ചുവന്ന ട്രാക്ക് സ്യൂട്ടുകൾ ധരിച്ച് പരസ്പരം ആലിംഗനം ചെയ്യുന്നതായി കാണാം. മൂന്നുപേരുടെയും കെമിസ്ട്രി നൊസ്റ്റാൾജിക് അനുഭവം തന്നെയാണ് സമ്മാനിച്ചതെന്ന് ആരാധകർ പറയുന്നു.
‘ഇന്ന് റിലീസ് ചെയ്യുന്ന ‘കൺഗ്രാജുലേഷൻ’ ത്രീ ഇഡിയറ്റ്സ് ചേർന്ന് പ്രമോട്ട് ചെയ്യുന്നു’. വിഡിയോക്ക് അടിക്കുറിപ്പായി ഷർമൻ ജോഷി കുറിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.