തൃത്താല: തൃത്താല നിയമസഭ തെരഞ്ഞെടുപ്പിന്‍റെ ഫലം ഔദ്യോഗികമായി പുറത്ത് വരുന്നതിന് മുമ്പ് തോൽവി സമ്മതിച്ച് യു.ഡി.എഫ് സ്ഥാനാർഥി വി.ടി ബൽറാം. തൃത്താലയുടെ ജനവിധി വിനിയപുരസ്സരം അംഗീകരിക്കുന്നുവെന്ന് വി.ടി ബൽറാം ഫേസ്ബുക്കിൽ കുറിച്ചു. പുതിയ കേരള സർക്കാറിന് അഭിവാദ്യങ്ങൾ നേരുന്നതായും ബൽറാം ഫേസ്ബുക്ക് പോസ്റ്റിൽ പറയുന്നുണ്ട്.
നിയമസഭ തെരഞ്ഞെടുപ്പിൽ സംസ്ഥാനം മുഴുവൻ ഉറ്റുനോക്കിയ പോരാട്ടമായിരുന്നു എം.ബി രാജേഷും വി.ടി ബൽറാമും തമ്മിലുള്ളത്. ഇടതുപാരമ്പര്യമുള്ള തൃത്താല മണ്ഡലം പിടിച്ചെടുത്ത വി.ടി ബൽറാമിനെ തറപറ്റിക്കുകയെന്നത് സി.പി.എമ്മിനെ സംബന്ധിച്ചിടത്തോളം അഭിമാന പോരാട്ടമായിരുന്നു.
എ.കെ.ജിയെ കുറിച്ച് ബൽറാം നടത്തിയ പരാമർശങ്ങളും വിവാദമായിരുന്നു. വൈകാരികമായാണ് സി.പി.എം അണികൾ ബൽറാമിന്‍റെ എ.കെ.ജിക്കെതിരായ പരാമർശങ്ങളെ കണ്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.