പാറ്റ

നിങ്ങൾ പാറ്റകളെന്ന്

വിളിച്ചപ്പോൾ വന്നതൊരു

കൊടുങ്കാറ്റായിരുന്നു...

നാളുകളായി

അകത്ത് പുകഞ്ഞിരുന്ന

കനലുകളെ അത്

തീപ്പൊരിയായി മാറ്റി...

ഒന്നിക്കരുതെന്ന് കരുതി

നിങ്ങൾ അകറ്റി നിർത്തിയ

ഹൃദയങ്ങളെ ഇനി ഒരിക്കലും

അടർത്തി മാറ്റാൻ പറ്റാത്ത

ശിലകളാക്കി.......

ഉച്ചത്തിലൊന്നൊച്ച വെച്ചാൽ

കുലുങ്ങാത്ത ഗോപുരങ്ങളില്ലെന്ന്

അവർ തന്ന ഊർജം പറഞ്ഞു തന്നു.

അറിയണം, നിങ്ങളുടെ പ്രഹരമേറ്റ

ഓരോ വേദനയും നിങ്ങൾക്കെതിരായ

ഒരു പ്രളയത്തിെൻറ വരും കാലം

വരച്ചു വെക്കുന്നു....

കാരണം, എല്ലാം മാറാൻ

ഇനിയൊറ്റ വിളി വിളിച്ചാ മതി

‘പാറ്റ’