പിടികൂടിയ മയക്കുമരുന്നും പ്രതികളും
കുവൈത്ത് സിറ്റി: ആടുകളുടെ കുടലിൽ ഒളിപ്പിച്ച് മയക്കുമരുന്ന് കടത്താനുള്ള നീക്കം തകർത്തു. കുവൈത്തിലേക്ക് കൊണ്ടുവരുന്ന ആടുകളെ ഉപയോഗിച്ച് ലഹരി വസ്തുക്കൾ കടത്താനായിരുന്നു ശ്രമം. ഇതിനെക്കുറിച്ച് സൂചന ലഭിച്ച ക്രിമിനൽ സെക്യൂരിറ്റി സെക്ടർ നടത്തിയ പരിശോധനയിലാണ് മയക്കുമരുന്ന് കണ്ടെത്തിയത്.
ഒരു കിലോ ഹാഷിഷ്, ആടുകളിൽ നൂതനമായ രീതിയിൽ ഒളിപ്പിച്ച നിലയിലായിരുന്നു. അഞ്ചു കിലോ മയക്കുമരുന്ന് പദാർഥമായ ഷാബു, 15,000 ക്യാപ്റ്റഗൺ ഗുളികകൾ, 100 ഗ്രാം ഹെറിയോൺ എന്നിവയും പിടിച്ചെടുത്തു. സംഭവത്തിൽ മൂന്ന് പ്രതികളെ അറസ്റ്റു ചെയ്തു. പ്രതികളെയും പിടിച്ചെടുത്ത വസ്തുക്കളും ബന്ധപ്പെട്ട അധികാരികൾക്ക് കൈമാറി.
രാജ്യത്ത് ലഹരിവസ്തുക്കൾക്കെതിരായ കർശന പരിശോധനകൾ നടന്നുവരുകയാണ്. രാജ്യത്തിനകത്തും അതിർത്തികളിലും പൊലീസും സുരക്ഷാ ഉദ്യോഗസ്ഥരും ജാഗ്രത പുലർത്തുന്നുണ്ട്. മയക്കുമരുന്ന് കടത്ത്, വിൽപന, ഉപയോഗം എന്നിവക്കെതിരെ ശക്തമായ നടപടികൾ തുടരുമെന്ന് അധികൃതർ അറിയിച്ചു.
സുരക്ഷ ഉദ്യോഗസ്ഥരുമായി സഹകരിക്കാനും വിവരങ്ങൾ എമർജൻസി ഫോണിലും (112), ജനറൽ അഡ്മിനിസ്ട്രേഷൻ ഫോർ ഡ്രഗ് കൺട്രോൾ ഹോട്ട്ലൈനിലും (1884141) റിപ്പോർട്ട് ചെയ്യാനും മന്ത്രാലയം അഭ്യർഥിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.