മുഹ്​സിൻ ഫഖ്​രിസാദയുടെ കൊല​ വി​ദൂ​ര നി​യ​ന്ത്രി​ത സംവിധാനങ്ങൾ ഉപയോഗിച്ച്; ആ​യു​ധ​ങ്ങ​ൾ നിയന്ത്രിച്ചത്​ ഉ​പ​ഗ്ര​ഹം വ​ഴി

തെ​ഹ്​​റാ​ൻ: ഇ​റാ​ൻ സൈ​നി​ക ആ​ണ​വ പ​ദ്ധ​തി​യു​ടെ ഉ​പ​ജ്ഞാ​താ​വാ​യി ക​രു​ത​പ്പെ​ടു​ന്ന മു​ഹ്​​സി​ൻ ഫ​ഖ്​​രി​സാ​ദ​യെ കൊ​ല​പ്പെ​ടു​ത്തി​യ​തി​ന്​ പി​ന്നി​ൽ ഇ​സ്രാ​യേ​ൽ ആ​ണെ​ന്ന്​ ആവർത്തിച്ച്​ ഇ​റാ​ൻ. വി​ദൂ​ര നി​യ​ന്ത്രി​ത ഇ​ല​ക്​​ട്രോ​ണി​ക്​ ഉ​പ​ക​ര​ണ​ങ്ങ​ൾ ഇ​തി​നാ​യി ഉ​പ​യോ​ഗ​പ്പെ​ടു​ത്തി​യെ​ന്ന്​ ഫ​ഖ്​​രി​സാ​ദ​യു​ടെ സം​സ്​​കാ​ര ച​ട​ങ്ങി​ൽ സം​ബ​ന്ധി​ക്ക​വെ ഇ​റാ​ൻ ദേ​ശീ​യ സു​ര​ക്ഷ കൗ​ൺ​സി​ൽ സെ​ക്ര​ട്ട​റി അ​ലി ശം​ഖാ​നി അ​ഭി​പ്രാ​യ​പ്പെ​ട്ടു. ഫ​ഖ്​​രി​സാ​ദ തു​ട​ങ്ങി​വെ​ച്ച പ്ര​വ​ർ​ത്ത​ന​ങ്ങ​ൾ കൂ​ടു​ത​ൽ വേ​ഗ​ത്തി​ൽ, കാ​ര്യ​ക്ഷ​മ​ത​യോ​ടെ മു​ന്നോ​ട്ടു കൊ​ണ്ടു​പോ​കു​മെ​ന്ന്​ പ്ര​തി​രോ​ധ മ​ന്ത്രി ജ​ന​റ​ൽ അ​മീ​ർ ഹാ​ത​മി വ്യ​ക്ത​മാ​ക്കി.

ആ​രോ​പ​ണ​ത്തോ​ട്​ ഇ​സ്രാ​യേ​ൽ പ്ര​തി​ക​രി​ച്ചി​ട്ടി​ല്ല. ഇ​റാ​െൻറ പു​തി​യ പ്ര​തി​ക​ര​ണം, ഫ​ഖ്​​രി​സാ​ദ​യു​ടെ കൊ​ല​യു​ടെ സ്വ​ഭാ​വം മാ​റ്റു​ക​യാ​ണ്. ട്ര​ക്ക്​ പൊ​ട്ടി​ത്തെ​റി​ച്ചെ​ന്നും തു​ട​ർ​ന്ന്​ ആ​യു​ധ​ധാ​രി​ക​ൾ വെ​ടി​യു​തി​ർ​ത്തെ​ന്നു​മാ​യി​രു​ന്നു ആ​ദ്യം ഇ​റാ​ൻ അ​റി​യി​ച്ച​ത്. ഇ​സ്രാ​യേ​ൽ സൈ​നി​ക ​വ്യ​വ​സാ​യ​ത്തി​െൻറ കൃ​ത്യ​മാ​യ അ​ട​യാ​ള​മു​ള്ള ആ​യു​ധം സ്ഥ​ല​ത്തു​നി​ന്ന്​ ല​ഭി​ച്ച​താ​യി ഇ​റാ​ൻ ഔ​ദ്യോ​ഗി​ക ടെ​ലി​വി​ഷ​ൻ റി​പ്പോ​ർ​ട്ട്​ ചെ​യ്​​തി​രു​ന്നു.

ആ​ക്ര​മ​ണ​ത്തി​ന്​ ഉ​പ​യോ​ഗി​ച്ച ആ​യു​ധ​ങ്ങ​ൾ ഉ​പ​ഗ്ര​ഹം വ​ഴി​യാ​ണ്​ നി​യ​ന്ത്രി​ച്ച​തെ​ന്നും സൂചനയുണ്ടാ​യി​രു​ന്നു. ഇ​ത്​ ക​ഴി​ഞ്ഞ ദി​വ​സം ഇ​റാ​ൻ വാ​ർ​ത്ത ഏ​ജ​ൻ​സി​യും റി​പ്പോ​ർ​ട്ട്​ ചെ​യ്​​തു. എ​ന്നാ​ൽ, കൃ​ത്യ​മാ​യി തെ​ളി​വു​ക​ൾ ഇ​വ​ർ നി​ര​ത്തി​യി​ട്ടി​ല്ല.

ഇ​റാ​ൻ വി​മ​ത ഗ്രൂ​പ്പാ​യ 'മു​ജാ​ഹി​ദീ​നെ ഖ​ൽ​ഖി'​നും ആ​ക്ര​മ​ണ​ത്തി​ൽ പ​ങ്കു​ള്ള​താ​യി ശം​ഖാ​നി പ​റ​ഞ്ഞു. തെ​ഹ്​​റാ​നി​ലെ പ്ര​തി​രോ​ധ മ​ന്ത്രാ​ല​യ​ത്തി​​നു പു​റ​ത്ത്​ ന​ട​ന്ന ച​ട​ങ്ങു​ക​ൾ​ക്കു ശേ​ഷം വ​ട​ക്ക​ൻ ഇ​റാ​നി​ലെ പ​ള്ളി ഖ​ബ​ർ​സ്ഥാ​നി​ലാ​ണ്​ ഫ​ഖ്​​രി​സാ​ദ​യു​ടെ മൃ​ത​ദേ​ഹം ഖ​ബ​റ​ട​ക്കി​യ​ത്.

ത​ങ്ങ​ളു​ടെ ​ആ​ണ​വ പ​ദ്ധ​തി സ​മാ​ധാ​ന​പ​ര​മാ​യ ആ​വ​ശ്യ​ങ്ങ​ൾ​ക്കാ​യി​രി​ക്കു​മെ​ന്ന്​ കാ​ല​ങ്ങ​ളാ​യി ഇ​റാ​ൻ പ​റ​യു​ന്ന​താ​ണ്. എ​ന്നാ​ൽ, ഇ​ത്​ യു.​എ​സും ഇ​സ്രാ​യേ​ലും അം​ഗീ​ക​രി​ക്കു​ന്നി​ല്ല. ഈ ​മേ​ഖ​ല​യി​ൽ ഇ​റാ​ൻ ന​ട​ത്തു​ന്ന ഗ​വേ​ഷ​ണ​വും മി​സൈ​ൽ പ​ദ്ധ​തി​യും ആ​ണ​വാ​യു​ധ പ​ദ്ധ​തി​യി​ലേ​ക്കു​ള്ള പ​ട​വു​ക​ളാ​യാ​ണ്​ അ​വ​ർ കാ​ണു​ന്ന​ത്.