Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightWorldchevron_rightഡ്രൈവർക്ക്​...

ഡ്രൈവർക്ക്​ യാത്രക്കാരിയുടെ മർദനം; നിയന്ത്രണം വിട്ട്​ ബസ്​ വീണത്​ പുഴയിൽ

text_fields
bookmark_border
ഡ്രൈവർക്ക്​ യാത്രക്കാരിയുടെ മർദനം; നിയന്ത്രണം വിട്ട്​ ബസ്​ വീണത്​ പുഴയിൽ
cancel

ബെ​യ്​​ജി​ങ്​: സ്​റ്റോപ്പിൽ ഇറക്കാത്തതിന്​ അസഭ്യംപറയുകയും മൊബൈൽ ഫോൺ ഉപയോഗിച്ച്​ മുഖത്തടിക്കുകയുംചെയ്​ത യാത്രക്കാ​രിയോട്​ ഡ്രൈവർ നടത്തിയ പ്രതികാ​രം കലാശിച്ചത്​ വൻ ദുരന്തത്തിൽ. കഴിഞ്ഞ ഞായറാഴ്​ച ചൈനയിലെ ചോങ്​കിങ്ങിൽ നടന്ന ബസ്​ ദുരന്തത്തി​​​​െൻറ സി.സി ടി.വി ദൃശ്യങ്ങളാണ്​ ചൈനീസ്​ അധികൃതർ പുറത്തുവിട്ടത്​. ബസ്​ ഭിത്തിയിൽ ഇടിച്ച്​ പുഴയി​ലേക്ക്​ വീഴുംമുമ്പുള്ള ദൃശ്യങ്ങളാണ്​ വിഡിയോയി​ലുള്ളത്​.

സ്​റ്റോപ്പിൽ ഇറക്കാത്തതിന്​ സ്​ത്രീ ഡ്രൈവറെ വഴക്കുപറയുകയും തിരിച്ചുപറഞ്ഞതോടെ മൊബൈൽ ഫോണെടുത്ത്​ മുഖത്തടിക്കുകയും ചെയ്യുന്നത്​ ദൃശ്യങ്ങളിലുണ്ട്​. വലതുകൈകൊണ്ട്​ ഡ്രൈവർ തിരിച്ചടിച്ചു. പക്ഷേ, അടുത്ത നിമിഷം ബസി​​​െൻറ സ്​റ്റിയറിങ്​ നേരെ തിരിച്ചതോടെ നിയന്ത്രണംവിട്ട്​​ പുഴയിലേക്ക്​ വീഴുകയായിരുന്നു. പുഴയിലേക്ക്​ വീഴുംമുമ്പ്​ എതിർദിശയിൽ വന്ന ഒരു കാറും ബസ്​ ഇടിച്ചിട്ടിരുന്നു.

ഡ്രൈവറും സ്​ത്രീയുമുൾപ്പെടെ ബസിലുണ്ടായിരുന്ന 15 പേരും ദുരന്തത്തിനിരയാകാൻ കാരണം എതിർദിശയിൽവന്ന വാഹനമാണെന്നാണ്​ ഇതുവരെയും കരുതിയിരുന്നത്​. യാങ്​സെ നദിയിൽ 70 മീറ്ററോളം താഴ്​ചയുള്ള ഭാഗത്തായതിനാൽ ദിവസങ്ങൾ കഴിഞ്ഞ്​ ബുധനാഴ്​ചയാണ്​​ ബസ്​ പുറത്തെടുക്കാനായത്​. 13 മൃതദേഹങ്ങൾ പുറത്തെടുത്തിട്ടുണ്ട്​. മുങ്ങൽവിദഗ്​ധർ നടത്തിയ തിരച്ചി​ലിനൊടുവിൽ കണ്ടെത്തിയ ശേഷിപ്പുകളിൽനിന്നാണ്​ വിഡിയോ ദൃശ്യങ്ങൾ ലഭിച്ചത്​. ഇനിയും കണ്ടെത്താനാവാത്ത രണ്ടുപേരും മരിച്ചതായാണ്​ കരുതുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chinabus accidentriverworld news
News Summary - China bus accident- World news
Next Story