Top
Begin typing your search above and press return to search.
keyboard_arrow_down
Login
exit_to_app
exit_to_app
ഡോണൾഡ്​ ട്രംപ്​
cancel
Homechevron_rightNewschevron_rightWorldchevron_rightകോവിഡിനെതിരെ അമേരിക്ക ...

കോവിഡിനെതിരെ അമേരിക്ക മികച്ച രീതിയിൽ​ പോരാടുന്നു, ഇന്ത്യ അതിസങ്കീർണ പ്രശ്​നത്തിൽ -ട്രംപ്​

text_fields
bookmark_border

വാഷിങ്​ടൺ: വമ്പൻ രാജ്യങ്ങളെ അപേക്ഷിച്ച്​ അമേരിക്ക കോവിഡിനെതിരെ മികച്ച രീതിയിൽ പോരാടുന്നതായി യു.എസ്​ പ്രസിഡൻറ്​ ഡോണൾഡ്​ ട്രംപ്​. ഇന്ത്യ അതിസങ്കീർണമായ പ്രശ്​നത്തിലാണെന്നും ചൈന വൈറസ്​ബാധയുടെ വമ്പൻ പൊട്ടിത്തെറി നേരിടാനിരിക്കുകയാണെന്നും ട്രംപ്​ പറഞ്ഞു.

ഇന്ത്യയിൽ കഴിഞ്ഞ ഒരാഴ്​ചയായി 50,000ത്തിൽ അധികംപേർക്കാണ്​ പ്രതിദിനം കോവിഡ്​ റിപ്പോർട്ട്​ ചെയ്യുന്നത്​. 18,55,745 പേർക്ക്​​ രാജ്യത്ത്​ ഇതുവരെ കോവിഡ്​ സ്​ഥിരീകരിച്ചു​. ചൈനയിൽ 36 പേർക്കാണ്​ പുതുതായി കോവിഡ്​ സ്​ഥിരീകരിച്ചത്​. കഴിഞ്ഞദിവസം 43 പേർക്ക്​ രോഗം സ്​ഥിരീകരിച്ചിരുന്നു.

'മറ്റു രാജ്യങ്ങളെ അപേക്ഷിച്ച്​ യു.എസ്​ കോവിഡിനെതിരെ ശക്തമായി പോരാടുന്നു. മറക്കരുത്​, ഇന്ത്യ-ചൈന തുടങ്ങിയ രാജ്യങ്ങളേക്കാൾ അധികം വലുതല്ല അമേരിക്ക. ചൈനയിൽ അണുബാധയുടെ വമ്പൻ പൊട്ടിത്തെറി നടക്കാനിക്കുന്നു. ഇന്ത്യ അതിസങ്കീർണമായ പ്രശ്​നങ്ങളെ നേരിട്ടുകൊണ്ടിരിക്കുന്നു. മറ്റു രാജ്യങ്ങളും ​പ്രശ്​നം നേരിടുന്നു' -ചോദ്യത്തിന്​ മറുപടിയായി ട്രംപ്​ പറഞ്ഞു.

ആറുകോടി ജനങ്ങളെ അമേരിക്കയിൽ കോവിഡ്​ പരിശോധനക്ക്​ വിധേയമാക്കി. 15 മുതൽ 20മിനിറ്റുവരെ സമയത്തിനുള്ളിൽ പരിശോധന ഫലം ലഭിക്കും. മറ്റാരും ഇത്തരത്തിൽ ചെയ്യുന്നില്ല. ഞങ്ങളാണ്​ ഏറ്റവും മികച്ച രീതിയിൽ കോവിഡ്​ പ്രതിരോധം കൈകാര്യം ചെയ്യുന്നതെന്ന്​ ഞാൻ വിചാരിക്കുന്നു -ട്രംപ്​ കൂട്ടിച്ചേർത്തു. കഴിഞ്ഞ ആറാഴ്​ചയായി രോഗബാധിതരുടെ എണ്ണം കുറച്ചു​െകാണ്ടുവരാൻ കഴിഞ്ഞു. കോവിഡ്​ പോസിറ്റീവാകാനുള്ള സാധ്യത 8.7 ശതമാനത്തിൽ നിന്ന്​ എട്ടുശതമാനമായി. ഹോട്ട്​സ്​പോട്ടുകളിൽ മാത്രം രോഗബാധിതരുടെ എണ്ണത്തിൽ നേരിയ വർധനയുണ്ടായതായും ട്രംപ്​ പറഞ്ഞു.

ലോകത്ത്​ ഏറ്റവും കൂടുതൽ രോഗബാധിതരുള്ള രാജ്യം അമേരിക്കയാണ്​. 48,62000ത്തിൽ അധികം പേർക്കാണ്​ ​അമേരിക്കയിൽ രോഗം ബാധിച്ചത്​. ഒന്നരലക്ഷം മരണവും ഇവിടെ റിപ്പേർട്ട്​ ​െചയ്​തു.

Show Full Article
TAGS:donald trump Covid 19 covid America covid india covid china 
Next Story