കോട്ടൺ വസ്ത്രങ്ങൾ ചർമത്തിന് ഏറെ സുഖപ്രദമാണ്. ശരിയായ പരിചരണം നൽകിയില്ലെങ്കിൽ അവ പെട്ടെന്ന് നിറം മങ്ങാനും തുണിയുടെ മൃദുത്വം നഷ്ടപ്പെടാനും സാധ്യതയുണ്ട്. ചില പൊടിക്കൈകളിലൂടെ കോട്ടൺ വസ്ത്രങ്ങളെ ദീർഘകാലം പുതുമയോടെ സൂ‍ക്ഷിക്കാം

വെള്ള, ഇളംനിറം, കടുംനിറം എന്നിങ്ങനെ വസ്ത്രങ്ങൾ വേർതിരിച്ച് കഴുകുക. ഇതിലൂടെ വസ്രതങ്ങളുടെ കളർ മറ്റ് വസ്ത്രങ്ങളിലേക്ക് പടരുന്നത് ഒഴിവാക്കാം. പുതിയ കോട്ടൺ വസ്ത്രങ്ങൾ ആദ്യമായി കഴുകുമ്പോൾ പ്രത്യേക ശ്രദ്ധ നൽകണം. വസ്ത്രത്തിലെ ലേബലിൽ നൽകിയിരിക്കുന്ന നിർദേശങ്ങളും പരിശോധിക്കുക

അമിതമായി ഡിറ്റർജന്‍റ് ഉപയോഗിക്കരുത്. വസ്ത്രത്തിന്‍റെ നിറത്തിനും തുണിയുടെ സ്വഭാവത്തിനും അനുയോജ്യമായ ഡിറ്റർന്‍റ് തിരഞ്ഞെടുക്കുക. സാധ്യമെങ്കിൽ മൃദുവായ വാഷ് സൈക്കിൾ ഉപയോഗിക്കുക. കഠിനമായി ഉരയ്ക്കുന്നതും അമിതമായി തിരുമ്മുന്നതും ഒഴിവാക്കുക

കടുത്ത വെയിലിൽ ഏറെനേരം ഉണക്കുന്നത് ചില കോട്ടൺ വസ്ത്രങ്ങൾ നിറം മങ്ങാൻ ഇടയാക്കും. വായുസഞ്ചാരമുള്ള സ്ഥലത്ത് വസ്ത്രങ്ങൾ ഉണക്കുന്നതാണ് നല്ലത്. ഈർപ്പം പൂർണമായി മാറിയെന്ന് ഉറപ്പാക്കുകയും വേണം

കോട്ടൺ വസ്ത്രങ്ങളിൽ ചുളിവുകൾ എളുപ്പം വരാമെങ്കിലും അമിതമായ ചൂട് തുണിയുടെ നിറത്തെയും മറ്റും ബാധിച്ചേക്കാം. വസ്ത്രത്തിന്‍റെ കെയർ ലേബൽ നോക്കി ഇസ്തിരിയുടെ താപനില ക്രമീകരിക്കുക. ചെറുതായി നനച്ച് ഇസ്തിരിയിടുമ്പോൾ ചുളിവുകൾ മാറാന്‍ സഹായിക്കും

വസ്ത്രങ്ങൾ പൂർണമായി ഉണങ്ങിയശേഷം മാത്രം മടക്കി അലമാരയിൽ സൂക്ഷിക്കുക. ഈർപ്പം ദുർഗന്ധത്തിന് കാരണമാകാം. അലമാരയിൽ വായുസഞ്ചാരം ഉറപ്പാക്കുക. വസ്ത്രങ്ങൾ കുത്തിനിറക്കരുത് ദീർഘകാലം ഉപയോഗിക്കാത്ത വസ്ത്രങ്ങൾ ഇടയ്ക്കിടെ പുറത്തെടുത്ത് വായു കൊള്ളിക്കുന്നതും നല്ലതാണ്

വിയർപ്പും കറകളും വസ്ത്രത്തിൽ ഏറെനേരം നിലനിർത്തരുത്. കറകൾ പറ്റിയാൽ തുണിയുടെ സ്വഭാവത്തിനനുസരിച്ച് വേഗത്തിൽ വൃത്തിയാക്കുക. ബ്ലീച്ച്, കടുപ്പമേറിയ രാസവസ്തുക്കൾ എന്നിവ അനാവശ്യമായി ഉപയോഗിക്കാതിരിക്കുക. ശരിയായ പരിചരണം നൽകിയാൽ കോട്ടൺ വസ്ത്രങ്ങളുടെ നിറവും മൃദുത്വവും കൂടുതൽ കാലം നിലനിർത്താൻ കഴിയും