വിശ്രമമില്ലാതെ ജോലി ചെയ്യുന്ന സ്ത്രീയാണോ? എങ്കിൽ ഈ രോഗം വരാൻ സാധ്യത ഏറെ!
ഒന്നര പതിറ്റാണ്ടിനിടെ വൈദ്യശാസ്ത്രരംഗം ശ്രദ്ധിച്ചുതുടങ്ങുകയും ഈ അടുത്തകാലത്തായി ഗൗരവത്തോടെ സമീപിക്കുകയുംചെയ്ത ഒരു രോഗമാണ് ‘ഹറീഡ് വുമൺ സിൻഡ്രോം'.
വിശ്രമമില്ലാതെ നിരന്തരം ജോലികളിൽ ഏർപ്പെടുന്ന സ്ത്രീകളിൽ മാത്രം കണ്ടുവരുന്ന മനോജന്യ ശാരീരിക രോഗാവസ്ഥയാണിത്.
ഡോക്ടർമാർ ഈ അവസ്ഥയെ വിഷാദരോഗത്തിന് തൊട്ടുമുമ്പുള്ള ഘട്ടമായി (Pre-depression state) പരിഗണിക്കുന്നുമുണ്ട്.
ഉയർന്ന മാനസിക സമ്മർദം മൂലം, അമിതമായ ഉത്കണ്ഠ, നേരിയ വിഷാദം, പെട്ടെന്ന് കോപം വരുക, എപ്പോഴും ക്ഷീണം അനുഭവപ്പെടൽ, പുളിച്ചുതികട്ടൽ, ഭക്ഷണത്തോട് വിരക്തി അല്ലെങ്കിൽ അമിതമായി ഭക്ഷണം വാരിവലിച്ച് കഴിക്കൽ എന്നിവയെല്ലാം ഈ അവസ്ഥയുടെ ചില ലക്ഷണങ്ങളാണ്.
ഡൽഹി എയിംസിലെ ക്ലിനിക്കൽ സൈക്യാട്രി പ്രഫസർ ഡോ. മഞ്ജു മേത്തയാണ് ഇന്ത്യയിൽ ഇതുമായി ബന്ധപ്പെട്ട പഠനങ്ങൾ നടത്തിയ ആൾ.
അമിതഭാരം സഹിക്കാനാവാതെ ശരീരം സൃഷ്ടിക്കുന്ന പ്രതിരോധമാർഗമാണ് ഇതെന്നും ശാരീരികവും വൈകാരികവും മാനസികവുമായ ഒരു കൂട്ടം ലക്ഷണങ്ങളാണ് ‘ഹറീഡ് വുമൺ സിൻഡ്രോം’ ബാധിച്ച സ്ത്രീകളിൽ കണ്ടുവരുന്നതെന്നും ഡോ. മഞ്ജു മേത്ത പറയുന്നു.
വീട്ടുജോലികൾ സംബന്ധിച്ച് കൃത്യമായ പ്ലാൻ ഉണ്ടാക്കുക, വ്യായാമം ചെയ്യുക, കൃത്യമായി ഉറങ്ങുക, പോഷകസമ്പന്നമായ ഭക്ഷണം കഴിക്കുക എന്നിവ വഴി ഈ രോഗാവസ്ഥ നിയന്ത്രിക്കാം