മിഥ്യയാണ്, ചൂടുവെള്ളം കുടിച്ചാൽ വണ്ണം കുറയില്ല; വണ്ണം കുറയാനുള്ള കുറച്ച് ടിപ്സ് ഇതാ

വണ്ണം കുറക്കാനും, കലോറി ബേൺ ചെയ്യാനും പലരും കണക്കാക്കുന്ന മാർഗമാണ് ചൂടുവെള്ളം കുടിക്കുക എന്നുള്ളത്.

പുതിന, ജീരകം, ​ഗ്രാമ്പൂ, ചെറുനാരങ്ങ, തേൻ തുടങ്ങി ചൂട് വെള്ളത്തിൽ പലവിധ ചേരുവകൾ ചേർത്ത് കുടിക്കുന്നതും വണ്ണം കുറയ്ക്കാൻ സഹായിക്കുമെന്ന തരത്തിൽ വ്യാപക പ്രചാരം നേടിയിരുന്നു. എന്നാൽ ചൂടുവെള്ളം കുടിക്കുന്നത്കൊണ്ട് വണ്ണം കുറയില്ല.

കലോറി കുറക്കുന്നതാണ് വണ്ണം കുറക്കാൻ ഏറ്റവും നല്ല മാർഗം. അതായത് നമ്മൾ കഴിക്കുന്നതിനേക്കാൾ കൂടുതൽ കലോറി ശരീരത്തിൽ നിന്നും ഇല്ലാതാക്കണം എന്ന് സാരം.

കലോറി കുറക്കാൻ ആദ്യം ചെയ്യേണ്ടത് ശരീരത്തിന്റെ ഭാരം കണക്കാക്കി കഴിക്കുന്ന ഭക്ഷണത്തിന്റെ അളവ് ക്രമീകരിക്കാവുന്നതാണ്. അളവ് കുറയ്ക്കുന്നതിനായി ഭക്ഷണം കഴിക്കാതിരിക്കാനും പാടില്ല.

ശരീരത്തിലേക്ക് വിതരണം ചെയ്യുന്നതിനേക്കാൾ കൂടുതൽ എനർജി ദഹനപ്രക്രിയക്ക് ആവശ്യപ്പെടുന്ന ഭക്ഷണങ്ങളെയാണ് നെ​ഗറ്റീവ് കലോറി ഫുഡ്സ് എന്ന് പറയുന്നത്. കാരറ്റ്, തക്കാളി, വെള്ളരിക്ക, ബ്രോക്കൊളി, ഓറഞ്ച്, ആപ്പിൾ, തണ്ണിമത്തൻ തുടങ്ങിയവയാണ് നെ​ഗറ്റീവ് കലോറി ഭക്ഷണങ്ങളിൽ‌ ചിലത്.

വണ്ണം കുറയ്ക്കാൻ ആഗ്രഹിക്കുന്നവർക്കും വെള്ളം കുടിക്കുക എന്നത് പ്രധാനപ്പെട്ട കാര്യമാണ്. ആവശ്യമായ വെള്ളം കുടിക്കുന്നത് മെറ്റബോളിസം വർധിപ്പിക്കാനും ഒപ്പം വിശപ്പിനെ നിയന്ത്രിക്കാനും സഹായിക്കും.

ആഹാരം കൃത്യസമയത്ത് കഴിക്കുന്ന ശീലം ഇന്ന് പൊതുവേ കുറവാണ്. എന്നാൽ വണ്ണം കുറയ്ക്കുന്നതിനും ശരീരം ആരോ​ഗ്യത്തോടെ നിലനിർത്തുന്നതിനും കൃത്യസമയത്ത് ആഹാരം കഴിക്കേണ്ടതുണ്ട്.

വണ്ണം കുറയ്ക്കുന്നതിനായി ഇന്റർമിറ്റന്റ് ഫാസ്റ്റിങ് രീതി പരീക്ഷിക്കുന്നവരും ഏറെയാണ്. കൃത്യമായി ഒരു ഡോകടറുടെ നിർദേശപ്രകാരം ഇന്റർമിറ്റന്റ് ഫാസ്റ്റിങ് നടത്തുന്നത് ശരീരത്തിന് ​ഗുണം ചെയ്യുമെന്നാണ് പഠനം. ഇവയ്ക്കൊപ്പം കൃത്യമായ വ്യായാമവും കൂടിയുണ്ടെങ്കില്‍ വണ്ണം കുറക്കൽ എളുപ്പമാകും.