സ്ഥിരമായി രാത്രി ഷിഫ്റ്റിൽ ജോലി ചെയ്യുന്നവരാണോ? ആരോഗ്യം അപകടത്തിലാണ്....
നിരന്തരം രാത്രി ഷിഫ്റ്റുകളില് ജോലി ചെയ്യുന്നവരാണ് നിങ്ങളെങ്കിൽ ഒരു വിഷാദരോഗിയായി നിങ്ങൾ മാറാൻ സാധ്യതയുണ്ടെന്ന് പുതിയ പഠനറിപ്പോര്ട്ട് പറയുന്നു.
30 വര്ഷം കൊണ്ട് ഏഴായിരം അമേരിക്കക്കാരെ ഉള്പ്പെടുത്തി എന്വൈയു സില്വര് സ്കൂള് ഓഫ് സോഷ്യല് വര്ക്കിലെ ഗവേഷകർ നടത്തിയ പഠനത്തിലാണ് ഈ കണ്ടെത്തലുകൾ.
രാത്രി സമയങ്ങളില് ജോലി ചെയ്യുന്നതും ജോലി സമയം തുടര്ച്ചയായി മാറുന്നതും ഉറക്കത്തെ ബാധിക്കുമെന്നും ഇത് 50 വയസ്സാകുമ്പോഴേക്കും വിഷാദം ഉള്പ്പെടെയുള്ള മാനസികാരോഗ്യ പ്രശ്നങ്ങളിലേക്ക് നയിക്കുമെന്നും പഠനം പറയുന്നു.
ആവശ്യത്തിന് ഉറക്കം ലഭിക്കാത്തവര്ക്ക് പ്രമേഹം, ഹൃദ്രോഗം, അമിതവണ്ണം തുടങ്ങിയ പല ആരോഗ്യപ്രശ്നങ്ങള്ക്കും സാധ്യതയുണ്ട്.
ജോലി മൂലം ശാരീരികവും മാനസികവുമായി അവശരാവുന്നവരെ പിന്തുണയ്ക്കാനുള്ള സാഹചര്യം മെച്ചപ്പെടുത്തി അത് മറികടക്കാന് കഴിയണമെന്ന് പ്ലോസ് വണ് ജേണലില് പ്രസിദ്ധീകരിച്ച പഠനറിപ്പോര്ട്ട് ശുപാര്ശ ചെയ്യുന്നുണ്ട്.