ഉച്ചഭക്ഷണവും അത്താഴവും തമ്മിൽ ആവശ്യമുള്ള ഇടവേള എത്രയാണ്..

ആരോഗ്യകരമായ ജീവിത ശൈലി നിലനിർത്തുന്നതിൽ ഭക്ഷണം കഴിക്കുന്ന സമയം നിർണ്ണായക പങ്കുവഹിക്കുന്നുണ്ട്. ഉച്ചഭക്ഷണവും അത്താഴവും തമ്മിലുള്ള സമയക്രമം ഒരു പ്രധാന ഘടകമാണ്.

ജീവിത രീതികൾ വ്യത്യസ്‌തമായിരിക്കാം, എന്നാൽ ദിനചര്യ, ഭക്ഷണ ശീലങ്ങൾ, ദഹനപ്രക്രിയ എന്നിവയെ ആശ്രയിച്ച് ഉച്ചഭക്ഷണത്തിനും അത്താഴത്തിനും ഇടയിൽ നിശ്ചിത സമയക്രമം പാലിക്കേണ്ടതുണ്ട്.

ഉച്ചഭക്ഷണത്തിനും അത്താഴത്തിനും ഇടയിൽ ഏകദേശം നാല് മുതൽ ആറ് മണിക്കൂർ വരെയാണ് അകലം പാലിക്കേണ്ടത്.

ഭക്ഷണം കഴിച്ചതിന് ശേഷം ദഹന പ്രക്രിയ നടക്കുന്നതിനും പോഷകങ്ങൾ നന്നായി ആഗികരണം ചെയ്യുന്നതിനും ശരീരത്തിന് കുറച്ച് സമയം ആവശ്യമാണ്. അതിനാലാണ് ഉച്ചഭക്ഷണം കഴിഞ്ഞ് അത്താഴം കഴിക്കുന്നതിനായി നാല് മുതൽ ആറ് മണിക്കൂർ നീണ്ട സമയം ആവശ്യമായി വരുന്നത്.

സമയക്രമം പാലിക്കാത്തത് ദഹനപ്രശ്‌നങ്ങൾ, വയറിളക്കം അല്ലെങ്കിൽ ശരീരഭാരം വർധിപ്പിക്കൽ തുടങ്ങിയവയ്ക്ക് കാരണമാകുന്നു.

വളരെ വൈകി ഭക്ഷണം കഴിക്കുന്നത് കടുത്ത വിശപ്പിന് കാരണമാവുകയും ചെയ്യുന്നു. അത് അത്താഴം കഴിക്കുമ്പോൾ അമിതമായി ആഹാരം കഴിക്കാൻ പ്രേരിപ്പിക്കുകയും ചെയ്യുന്നു.

ഉച്ചഭക്ഷണം കഴിച്ചതിന് ശേഷം നേരത്തെ അത്താഴം കഴിക്കുന്നതിലൂടെ പോഷകങ്ങൾ ഉപോഗിക്കുന്നതിന് ശരീരത്തിന് വേണ്ടത്ര സമയം ലഭിക്കില്ല. മാത്രമല്ല, അനാവശ്യമായി കലോറി കൂടുകയും ചെയ്യും.

അതേസമയം ഉച്ച ഭക്ഷണം കഴിഞ്ഞ് വളരെ വൈകിയാണ് ഭക്ഷണം കഴിക്കുന്നതെങ്കിൽ രക്തത്തിലെ പഞ്ചസാര കുറയുകയും ക്ഷീണം, ശ്രദ്ധ കേന്ദ്രീകരിക്കാൻ കഴിയാതെയുള്ള അവസ്ഥ എന്നിവ അനുഭവപ്പെടും.