നിർബന്ധമായും സൂക്ഷിക്കേണ്ട 12 രേഖകൾ

ഭവനവുമായി ബന്ധപ്പെട്ട നിയമപരമായ രേഖകൾ സൂക്ഷിക്കേണ്ടത് ആവശ്യമാണ്. വീടിന് നമ്പർ ലഭിക്കുക എന്നത് ഔദ്യോഗികമായി ആ ഭവനം സർക്കാർ രജിസ്ട്രേഷന് വിധേയമായി എന്നതിന്റെ അടയാളമാണ്. ഈ ഘട്ടത്തിനുശേഷം സൂക്ഷിക്കേണ്ട രേഖകൾ ഏതൊക്കെ എന്ന് മനസ്സിലാക്കാം.

വീട് നിൽക്കുന്ന ഭൂമിയുടെ ഉടമസ്ഥാവകാശം തെളിയിക്കുന്ന ഏറ്റവും പ്രധാനപ്പെട്ട രേഖ ഇതാണ്. ഭൂമി വാങ്ങിയ സമയത്ത് സബ് രജിസ്ട്രാർ ഓഫിസിൽ രജിസ്റ്റർ ചെയ്ത ആധാരത്തിന്റെ ഒറിജിനൽ കൈയിൽ സൂക്ഷിക്കണം. ഭൂമി പൂർവ്വ ഉടമകളിൽ നിന്ന് കൈമാറ്റം ചെയ്തതിന്റെ ചരിത്രം ഉണ്ടെങ്കിൽ അതും സൂക്ഷിക്കേണ്ടതുണ്ട്. ഭൂമി വിൽക്കുകയോ പണയം വെക്കുകയോ ചെയ്യുമ്പോൾ ഇത് ഇല്ലാതെ ഒരു ഇടപാടും നടക്കില്ല.

കെട്ടിടം നിർമിക്കുന്നതിന് മുമ്പ് പഞ്ചായത്ത് / മുൻസിപൽ കോർപ്പറേഷൻ ഓഫിസിൽ നിന്ന് ലഭ്യമായ നിർമാണ അനുമതി (ബിൽഡിങ് പെർമിറ്റ്) അഥവാ നിർമാണ അനുമതി ഒരു അടിസ്ഥാന രേഖയാണ്. ഇതില്ലാതെ നിർമിച്ച കെട്ടിടങ്ങൾ നിയമ പ്രശ്നങ്ങൾക്ക് ഇടയാക്കും. അനധികൃത നിർമാണമായി കണക്കാക്കപ്പെട്ടാൽ പൊളിക്കൽ ഉത്തരവ് വരെ നേരിടേണ്ടി വരും. അതിനാൽ ഒറിജിനൽ നിർമാണ അനുമതിയും അംഗീകൃത പ്ലാനും സൂക്ഷ്മമായി സൂക്ഷിക്കണം.

കേരളത്തിൽ ഭൂനികുതിയും കെട്ടിട നികുതിയും അടക്കേണ്ടത് ഗൃഹ ഉടമയുടെ ഉത്തരവാദിത്തമാണ്. എല്ലാ വർഷവും അടക്കുന്ന ഭൂനികുതിയുടെ രസീതുകൾ, വില്ലേജ് ഓഫിസിൽ നിന്ന് ലഭ്യമാകുന്ന തണ്ടപേര്, ഭൂ രേഖകൾ എന്നിവ കൈവശം വേണം. ഇവ ഇല്ലാതെ ഭൂമിയുടെ ഉടമസ്ഥാവകാശം തർക്കത്തിലകപ്പെടാൻ സാധ്യതയുണ്ട്.

പഞ്ചായത്ത് / നഗരസഭ നൽകുന്ന ഭവന നമ്പർ സ്വീകരണ രേഖ ഏറ്റവും ആധുനികവും ആവശ്യവുമായ രേഖയാണ്. ഇത് ഭവനം ഔദ്യോഗിക വിലാസമുള്ള നിർമിതിയാണെന്ന് സ്ഥിരീകരിക്കുന്നു. ബാങ്ക് വായ്പ, വൈദ്യുതി കണക്ഷൻ, തിരിച്ചറിയൽ രേഖയിലെ വിലാസ പരിഷ്കരണം, വോട്ടർ ലിസ്റ്റ് ചേർക്കൽ, ജനന-മരണ രജിസ്ട്രേഷൻ തുടങ്ങി ഒട്ടേറെ ആവശ്യങ്ങൾക്ക് ഈ രേഖ ഉപകരിക്കും.

നിർമാണം പൂർണമായ ശേഷം ബന്ധപ്പെട്ട അധികൃത സ്ഥാപനം (പഞ്ചായത്ത് / മുനിസിപ്പാലിറ്റി) നൽകുന്ന ഒക്യുപൻസി സർട്ടിഫിക്കറ്റ് ഒരു നിർണായക രേഖയാണ്. ഈ സർട്ടിഫിക്കറ്റ് ഇല്ലാതെ ഔദ്യോഗികമായി ഭവനത്തിൽ താമസം ആരംഭിച്ചതായി കണക്കാക്കില്ല. ഭവന വായ്പ അടച്ചു തീർക്കുന്ന സമയത്ത് ബാങ്ക് ഈ രേഖ ആവശ്യപ്പെടും.

ഭൂമി ഔദ്യോഗിക ഉടമസ്ഥന്റെ കൈവശം ഉണ്ടെന്ന് സ്ഥിരീകരിക്കുന്ന പൊസഷൻ സർട്ടിഫിക്കറ്റ്, റവന്യൂ അധികാരികൾ നൽകുന്നതാണ്. ഭൂ ഉടമസ്ഥ തർക്കം ഉണ്ടാകുന്ന ഘട്ടത്തിൽ ഈ രേഖ ഏറ്റവും ശക്തമായ തെളിവായി ഉപയോഗിക്കാം.

എല്ലാ ഒറിജിനൽ രേഖകളും സൂക്ഷിക്കുക. ഓരോ രേഖയുടെയും ഫോട്ടോ കോപ്പി സൂക്ഷിച്ചുവെക്കുന്നത് നല്ലതാണ്. 'രേഖ ഇല്ലെങ്കിൽ അവകാശം ഇല്ല' എന്ന് ഓർമയിലുണ്ടാവണം. ഓരോ ഭവന ഉടമയും ഈ രേഖകളുടെ കാര്യത്തിൽ ഉത്തരവാദിത്തമുള്ളവരായിരിക്കണം. ഇതാണ് ഭദ്രമായ ഭാവിയുടെ ആദ്യ ചുവട്.