കെട്ടിട നിർമാണ ചട്ടങ്ങൾ

കേരളത്തിൽ പഞ്ചായത്ത് അതിർത്തികളിൽ കേരള പഞ്ചായത്ത് കെട്ടിട നിർമാണ ചട്ടങ്ങളും, മുനിസിപ്പാലിറ്റി/കോർപ്പറേഷൻ പ്രദേശങ്ങളിൽ കേരള മുനിസിപ്പാലിറ്റി കെട്ടിട നിർമാണ ചട്ടങ്ങളുമാണ് നിലവിലുള്ളത്. കെട്ടിടത്തിന്റെ വിസ്തീർണം, അതിരുകൾ, അകലം, ഉയരം, പാർക്കിങ്, തുടങ്ങിയ കാര്യങ്ങൾ ചട്ടങ്ങൾക്ക് വിധേയമായിരിക്കണം.

കേരളത്തിലെ തദ്ദേശ സ്വയംഭരണ സ്ഥാപനങ്ങളിൽ കെട്ടിട നിർമാണ പെർമിറ്റിനായി ഓൺലൈൻ സംവിധാനമായ 'കെ-സ്മാർട്ട്' പോർട്ടൽ വഴിയാണ് അപേക്ഷ സമർപ്പിക്കേണ്ടത്.

സമർപ്പിച്ച അപേക്ഷയും രേഖകളും തദ്ദേശ സ്വയംഭരണ സ്ഥാപനത്തിലെ എൻജിനീയറിങ് വിഭാഗം പരിശോധിക്കുകയും സ്ഥലം സന്ദർശിക്കുകയും ചെയ്യും. തുടർന്ന്, പെർമിറ്റ് ഫീസ് അടച്ച് 'കെട്ടിട നിർമാണ പെർമിറ്റ്' കൈപ്പറ്റാം. മൂന്ന് മുതൽ അഞ്ചു വർഷം വരെയാണ് കാലാവധി.

വീടിന്റെ നിർമാണം ശേഷം 'കംപ്ലീഷൻ സർട്ടിഫിക്കറ്റ്' ലഭിക്കും. തദ്ദേശ സ്ഥാപനത്തിലെ ഉദ്യോഗസ്ഥർ നിർമാണം പരിശോധിച്ച് പ്ലാൻ പ്രകാരമാണ് വീട് പണിതിരിക്കുന്നത് എന്ന് ബോധ്യപ്പെട്ടാൽ 'ഓക്യുപ്പൻസി സർട്ടിഫിക്കറ്റ്' (താമസാനുമതി) നൽകുകയും കെട്ടിട നമ്പർ അനുവദിക്കുകയും ചെയ്യും.