കലക്ടറാകേണ്ടെ? വേഗം ഒരുങ്ങിക്കോ...വിജ്ഞാപനം ഇങ്ങെത്തി

വിജ്ഞാപനം ഈ മാസമോ മാർച്ച് ആദ്യമോ പ്രസിദ്ധീകരിക്കാനാണ് സാധ്യത. ബിരുദമാണ് യോഗ്യത.

മൂന്ന് ഒഴിവുകളാണ് പൊതുഭരണവകുപ്പ് പി.എസ്.സി.ക്ക് റിപ്പോർട്ട് ചെയ്തത്. തസ്തികമാറ്റത്തിനുള്ള രണ്ടു കാറ്റഗറികളിലും നേരിട്ടുള്ളതിലും ഓരോ ഒഴിവുവീതമുണ്ട്. ബാക്കി 28 ഒഴിവ് ഡെപ്യൂട്ടേഷൻ റിസർവാണ്. എല്ലാം കൂടി 31 ഒഴിവുകളുണ്ടാകും.

ആദ്യ വിജ്ഞാപനം വന്ന് അഞ്ച് വർഷം കഴിയുമ്പോഴാണ് രണ്ടാമത്തേത് വരുന്നത്.മൂന്നുകാറ്റഗറികളിലായിട്ടായിരിക്കും വിജ്ഞാപനം വരിക.

രണ്ടുഘട്ട പരീക്ഷയുണ്ടാകും. വിവരണാത്മക പരീക്ഷയാണ് ഏറ്റവും ഒടുവിൽ.

നേരിട്ടുള്ള നിയമനത്തിന് 21-32 ആണ് പ്രായപരിധി. നോൺ ഗസറ്റഡ് ജീവനക്കാരുടെ തസ്തികമാറ്റത്തിന് 21-40-ഉം ഒന്നാം ഗസറ്റഡ് തസ്തികയിലുള്ളവരുടെ തസ്തികമാറ്റത്തിന് 50 വയസും പൂർത്തിയാകാൻ പാടില്ല.

രണ്ടുവർഷത്തിലൊരിക്കൽ പരീക്ഷ നടത്തി കെ.എ.എസിലേക്ക് നിയമനം നടത്തണമെന്നാണ് വ്യവസ്ഥ.

കെ.എ.എസിന്റെ ആദ്യവിജ്ഞാപനം 2019 നവംബർ ഒന്നിന് കേരളപ്പിറവി ദിവസമാണ് പ്രസിദ്ധീകരിച്ചത്.