ചെൽസിയെ തകർത്ത് യുണൈറ്റഡ് എഫ്.എ കപ്പ് ക്വാർട്ടറിൽ; ഇത് മധുരപ്രതികാരം
text_fieldsചെൽസി: എഫ്.എ കപ്പിലെ കരുത്തരുടെ പേരാട്ടത്തിൽ ചെൽസിയെ മറുപടിയില്ലാത്ത രണ്ട് ഗോളുകൾക്ക് പരാജയപ്പെടുത്തി മാഞ ്ചസ്റ്റർ യുണൈറ്റഡ്. ജയിച്ച യുണൈറ്റഡ് എഫ്.എ കപ്പ് ക്വാർട്ടർ ഫൈനലിലേക്ക് കടന്നു. സ്വന്തം തട്ടകമായ സ്റ്റാംഫോഡ ് ബ്രിഡ്ജിലായിരുന്നു ചെൽസിയുടെ നാണംെകട്ട തോൽവി. ആൻഡർ ഹെരേര(31), പോൾ പോഗ്ബ(45) എന്നിവരാണ് യുണൈറ്റഡിന് വേണ്ടി വലകുലുക്കിയത്.
31ാം മിനിറ്റിൽ ഇടത് വിംഗിലൂടെ യുണൈറ്റഡ് നടത്തിയ തന്ത്രപരമായ നീക്കമാണ് ആദ്യ ഗോളായത്. പോഗ്ബ നൽകിയ അതിമനോഹരമായ ക്രോസ് വലയിലെത്തിച്ചത് ഹെരേരയായിരുന്നു. വലത് വിംഗിൽ നിന്നും റാഷ്ഫോഡ് നൽകിയ എണ്ണം പറഞ്ഞ ക്രോസാണ് പോഗ്ബ രണ്ടാം ഗോളാക്കി മാറ്റിയത്. മത്സരത്തിലുടനീളം മികച്ച പ്രകടനം കാഴ്ചവെച്ചത് ആതിഥേയരായിരുന്നുവെങ്കിലും കിട്ടിയ അവസരങ്ങൾ മുതലാക്കി മാഞ്ചസ്റ്റർ യുണൈറ്റഡ് നിർണായക വിജയം സ്വന്തമാക്കുകയായിരുന്നു.
കഴിഞ്ഞ വർഷത്തെ ഫൈനലിലേറ്റ തോൽവിക്കുള്ള മധുരപ്രതികാരമായി യുണൈറ്റഡിന് ഇന്നത്തെ വിജയം. ചെൽസിക്കെതിരായ അവസാന നാല് മത്സരങ്ങളിലും തോൽക്കാനായിരുന്നു യുണൈറ്റഡിെൻറ വിധി. ഇൗ കളിയും തോറ്റിരുന്നുവെങ്കിൽ മാഞ്ചസ്റ്റർ യുണൈറ്റഡിനെ അഞ്ച് തവണ തുടർച്ചയായി തോൽപിച്ച റെക്കോർഡും ചെൽസിക്ക് സ്വന്തമാക്കാമായിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.