അന്തര്‍ ജില്ല ക്രിക്കറ്റ്: മലപ്പുറത്തിന് ലീഡ്

പെരിന്തല്‍മണ്ണ: 19 വയസ്സില്‍ താഴെയുള്ളവരുടെ അന്തര്‍ ജില്ലാ ദ്വിദിന ക്രിക്കറ്റ് ടൂര്‍ണമെന്‍റില്‍ മലപ്പുറവും വയനാടും തമ്മിലുള്ള മത്സരത്തില്‍ മത്സരം നിര്‍ത്തുമ്പാള്‍ മലപ്പുറത്തിന് 51 റണ്‍സിന്‍െറ ഇന്നിങ്സ് ലീഡ്. ടോസ് നേടി ബാറ്റിങ്ങിനിറങ്ങിയ വയനാട് 34 ഓവറില്‍ 68 റണ്‍സിന് എല്ലാവരും പുറത്തായി. മലപ്പുറത്തിന് വേണ്ടി ശ്രീരാഗ് ആറ് ഓവറില്‍ 10 റണ്‍സ് വിട്ടുകൊടുത്ത് നാല് വിക്കറ്റും, മുഹമ്മദ് സഫ്വാന്‍ എട്ട് ഓവറില്‍ 18 റണ്‍സ് വിട്ടുകൊടുത്ത് മൂന്ന് വിക്കറ്റും നേടി. തുടര്‍ന്ന് ഇന്നിങ്സാരംഭിച്ച മലപ്പുറം മഴ മൂലം കളി നിര്‍ത്തുമ്പോള്‍ 28.3 ഓവറില്‍ രണ്ട് വിക്കറ്റ് നഷ്ടത്തില്‍ 119 റണ്‍സെടുത്തു. അബ്ദുല്‍ ഷാഹിദ് 43 റണ്‍സ് നേടി. 62 റണ്‍സുമായി മുഹമ്മദ് ഷമീലും ഏഴ് റണ്‍സുമായി അബ്ദുല്‍ റഹീമും ക്രീസിലുണ്ട്.