ന്യൂ കാസിലിനോട് തോൽവി; ആഴ്സനലിന്റെ ചാമ്പ്യൻസ് ലീഗ് സാധ്യത മങ്ങി

ന്യൂകാസിൽ: ഇംഗ്ലീഷ് പ്രീമിയർ ലീഗിൽ ന്യൂ കാസിൽ യുനൈറ്റഡിനോട് രണ്ട് ഗോളിന് തോറ്റ ആഴ്സനലിന്റെ ചാമ്പ്യൻസ് ലീഗ് സാധ്യതകളും മങ്ങി.

55ാം മിനിറ്റിൽ ബെൻ വൈറ്റിന്റെ സെൽഫ് ഗോളിൽ പിറകിലായ ആഴ്സനലിനെ ഞെട്ടിച്ച് 85ാം മിനിറ്റിൽ ബ്രൂണോ ഗ്യുമാറേസിലൂടെ ന്യൂ കാസിൽ ലീഡുയർത്തി. ഒരു മത്സരം മാത്രം അവശേഷിക്കെ 66 പോയന്റുമായി അഞ്ചാമതാണ് ആഴ്സനൽ.

നാലാം സ്ഥാനക്കാരായ ടോട്ടൻഹാമിന് 68 പോയന്റുണ്ട്. താരതമ്യേന ദുർബലരായ നോർവിച്ചുമായാണ് ഇവരുടെ അവസാന മത്സരം. ചാമ്പ്യൻസ് ലീഗിൽ സ്ഥാനം ഉറപ്പാക്കാൻ സമനില മതിയാവും.