You are here

കോൺഗ്രസ്​ പയറ്റിയത്​ ബി.ജെ.പിയുടെ ഗോവ തന്ത്രം

17:01 PM
15/05/2018
HD-Kumaraswamy-and-Siddaramaiah

ബംഗളൂരു: കർണാടകയിൽ കോൺഗ്രസ്-ജെ.ഡി.എസ്​ സർക്കാർ​ അധികാരത്തിലേറുന്നത്​ ബി.ജെ.പി ഗോവയിലും മണിപ്പൂരിലും പയറ്റിയ തന്ത്രത്തിലൂടെ. തൂക്കു മന്ത്രിസഭ എന്ന എക്​സിറ്റ്​ പോൾ ഫലങ്ങളെ പുച്ഛിച്ചു തള്ളാൻ പറഞ്ഞ സിദ്ധരാമയ്യ തങ്ങൾ കേവല ഭൂരിപക്ഷം നേടുമെന്ന്​ ആത്​മവിശ്വാസം കൊണ്ടെങ്കിലും സത്യം അതല്ലെന്ന്​ അറിയാമായിരുന്നു. ബി.ജെ.പിയുടെ പാത സ്വീകരിച്ച്​ കർണാടകയിൽ മന്ത്രിസഭ രൂപീകരിക്കാനുള്ള അണിയറ നീക്കം നേരത്തെ കോൺഗ്രസ്​ തുടങ്ങി. അതി​​െൻറ ആദ്യപടിയായിരുന്നു കോൺഗ്രസി​​െൻറ മുഖ്യമന്ത്രി സ്​ഥാനാർഥിയായ സിദ്ധരാമയ്യ ദലിത്​ മുഖ്യമന്ത്രിക്ക്​ വേണ്ടി സ്​ഥാനമൊഴിയാൻ താൻ തയാറാണെന്ന പ്രസ്​താവന ഇറക്കിയത്​. 

തെരഞ്ഞെടുപ്പ്​ ഫലം വന്ന ആദ്യ മണിക്കൂറുകളിൽ കോൺഗ്രസിന്​ ഭൂരിപക്ഷം ഉണ്ടായപ്പോഴും ​​​െജ. ഡി.എസുമായി ചർച്ച നടത്തി. സോണിയ ഗാന്ധിയും ഗുലാം നബി ആസാദും ഉൾപ്പെടെ മുതിർന്ന കോൺഗ്രസ്​ നേതാക്കൾ ഫോണിലൂടെയും മറ്റും ജെ.ഡി.എസ്​ നേതാവ്​ ദേവഗൗഡയുമായി ചർച്ച നടത്തുകയും തീരുമാനമെടുക്കകയും ചെയ്​തു. പിന്നീട്​ തെരഞ്ഞെടുപ്പ്​ ഫലം മാറി മറിഞ്ഞ്​ ബി.ജെ.പി വൻ ഭൂരിപക്ഷത്തോടെ അധികാരത്തിലേറുമെന്ന്​ കരുതിയപ്പോഴും ചർച്ചകളിൽ കോൺഗ്രസ്​ വിട്ടു വീഴ്​ച നടത്തിയില്ല. 

എന്നാൽ വോ​െട്ടണ്ണലി​​െൻറ അവസാന മണിക്കൂറുകളിൽ ആർക്കും കേവല ഭൂരിപക്ഷമില്ലാത്ത തരത്തിൽ ഫലം വന്നപ്പോഴേക്കും ജെ.ഡി.എസ്​​- കോൺഗ്രസ്​​ ധാരണയായിക്കഴിഞ്ഞിരുന്നു. ആദ്യ ഫലം നൽകിയ ആത്​മവിശ്വാസത്തിൽ ജെ.ഡി.എസുമായി സഖ്യമുണ്ടാക്കില്ലെന്ന പ്രസ്​താവന ബി.ജെ.പിക്ക്​ വിനയാവുകയും ചെയ്​തു. എച്ച്​.ഡി കുമാരസ്വാമിയെ മുഖ്യമന്ത്രിയാക്കി കോൺഗ്രസ്​ പിന്തുണയോടെ ജെ.ഡി.എസ്​ സർക്കാർ രൂപീകരിക്കാൻ ഇരു കക്ഷികളും തീരുമാനിക്കുകയും ഗവർണറെ കണ്ട്​ സർക്കാർ രൂപീകരിക്കാൻ  അവകാശവാദം ഉന്നയിക്കുകയും ചെയ്​തിരിക്കുകയാണ്​.  

2017 ഫെബ്രുവരിയിൽ നടന്ന ഗോവ നിയമസഭാ തെരഞ്ഞെടുപ്പിൽ 17 സീറ്റിൽ കോൺഗ്രസും 13 സീറ്റിൽ ബി.ജെ.പിയും 10 സീറ്റിൽ മറ്റ്​ പ്രാദേശിക പാർട്ടികളുമായിരുന്നു വിജയിച്ചത്​. കേവല ഭൂരിപക്ഷത്തിന്​  21 സീറ്റുകൾ വേണ്ടിയിരുന്നതിനാൽ ആർക്കും കേവല ഭൂരിപക്ഷം ലഭിച്ചിരുന്നില്ല. ഏറ്റവും വലിയ ഒറ്റ കക്ഷിയായ കോൺഗ്രസ്​, സർക്കാറുണ്ടാക്കാൻ ഗവർണർ തങ്ങളെ വിളിക്കുമെന്ന്​ പ്രതീക്ഷിച്ച്​​ ഡൽഹിയിൽ പ്രാദേശിക പാർട്ടി സഖ്യം രൂപീകരിക്കുന്നതിനെ കുറിച്ച്​  ചർച്ച നടത്തു​േമ്പാഴേക്കും 13 സീറ്റുകൾ മാത്രം നേടിയ ബി.ജെ.പി 10 സീറ്റുകളുള്ള പ്രാദേശിക പാർട്ടികളെ കൂടെക്കൂട്ടി സർക്കാർ രൂപീകരണത്തിന്​ ഗവർണർക്ക്​ മുമ്പാകെ അവകാശ വാദമുന്നയിച്ചുകഴിഞ്ഞിരുന്നു. 

മനോഹർ പരീകർ മുഖ്യമന്ത്രിയാകു​മെങ്കിൽ മാത്രം പിന്തുണക്കുകയുള്ളൂ എന്ന പ്രാദേശിക പാർട്ടികളുടെ ആവശ്യം പരിഗണിച്ച്​ അന്ന്​ കേന്ദ്ര പ്രതിരോധ മന്ത്രിയായിരുന്ന മനോഹർ പരീകറിനെ രായ്​ക്ക്​രാമാനം സ്​ഥാനം രാജിവെപ്പിച്ച്​ ഗോവക്ക്​ കൊണ്ടു വരികയും സർക്കാർ രൂപീകരിക്കുകയും ചെയ്​തു. ചർച്ച കഴിഞ്ഞ്​ കോൺഗ്രസ്​ നേതാക്കൾ ഗേവയിലെത്തിയപ്പോഴേക്കും ബി.ജെ.പി സർക്കാർ രൂപീകരണത്തിന്​ തയാറായിരുന്നു. മണിപ്പൂരിലും ബി.ജെ.പി അധികാരത്തിലേറുന്നത്​ നോക്കി നിൽക്കാനേ ഏറ്റവും വലിയ ഒറ്റ കക്ഷിയായിരുന്ന കോൺഗ്രസിനായുള്ളു. രണ്ട്​ അബദ്ധങ്ങളിൽ നിന്ന്​ പാഠം പഠിച്ച കോൺഗ്രസ്​ ഇതേ അടവ്​ കർണാടകയിലും ഉപയോഗിക്കുകയായിരുന്നു. 

COMMENTS