ജോനാതന്‍ ബോദിന്‍െറ പ്രസംഗത്തിന്‍െറ മലയാള പരിഭാഷ ഹാജരാക്കണമെന്ന് ഹൈകോടതി

കൊച്ചി: സ്വിറ്റ്സ൪ലൻഡ് പൗരൻ ജോനാതൻ ബോദ് തൃപ്രയാറിലെ സിനോജ് അനുസ്മരണ യോഗത്തിൽ നടത്തിയ പ്രസംഗത്തിൻെറ മലയാളം പരിഭാഷ ഹാജരാക്കണമെന്ന് ഹൈകോടതി. തനിക്കെതിരായ വിസാ ചട്ട ലംഘന കേസ് റദ്ദാക്കണമെന്നാവശ്യപ്പെട്ട് ബോദ് നൽകിയ ഹരജിയിലാണ് ജസ്റ്റിസ് പി. ഉബൈദിൻെറ ഉത്തരവ്.
മാവോയിസ്റ്റ് നേതാവ് സിനോജിൻെറ അനുസ്മരണ യോഗത്തിൽ പങ്കെടുത്തതുമായി ബന്ധപ്പെട്ട് വലപ്പാട് പൊലീസാണ് ബോദിനെതിരെ കേസെടുത്തത്. ജൂലൈ 29ന് ബോദിനെ കസ്റ്റഡിയിലെടുത്തു. നിരോധിത സംഘടനകളുടെ പരിപാടിയിൽ പങ്കെടുത്തു, പാസ്പോ൪ട്ട് നിയമം ലംഘിച്ചു തുടങ്ങിയ കുറ്റങ്ങളാണ് ചുമത്തിയത്.
നേരത്തേ ഉപാധികളോടെ ഹൈകോടതി ഇയാൾക്ക് ജാമ്യം അനുവദിച്ചിരുന്നു. വിസാ ചട്ടം ലംഘിച്ചിട്ടില്ളെന്നും സ്വിറ്റ്സ൪ലൻഡിൽ വിദ്യാ൪ഥിയായ താൻ കൗതുകത്തിന് യോഗത്തിൽ സംബന്ധിച്ചതാണെന്നുമാണ് ബോദ് ഹരജിയിൽ സൂചിപ്പിച്ചിരിക്കുന്നത്. കേസ് പിന്നീട് പരിഗണിക്കാൻ മാറ്റി.