പുതിയ റേഷന്‍ കാര്‍ഡിനുള്ള അപേക്ഷകള്‍ സ്വീകരിക്കുന്ന കാര്യം അനിശ്ചിതത്വത്തില്‍

കാക്കനാട്: പുതിയ റേഷന്‍ കാര്‍ഡിനായുള്ള അപേക്ഷകള്‍ സ്വീകരിക്കുന്ന കാര്യം അനിശ്ചിതത്വത്തില്‍. ആഗസ്റ്റ് ഒന്നുമുതല്‍ ജില്ലയില്‍ പുതിയ റേഷന്‍ കാര്‍ഡിനായുള്ള അപേക്ഷകള്‍ സ്വീകരിക്കുമെന്നാണ് അധികൃതര്‍ പറഞ്ഞിരുന്നത്. എന്നാല്‍, അഞ്ചാം തീയതിയായിട്ടും ഇതിനായുള്ള നടപടികള്‍ ഒന്നുമായില്ല. ഒന്നുമുതല്‍ ഏഴു വരെ പുതിയ റേഷന്‍ കാര്‍ഡിനുള്ള അപേക്ഷകള്‍ ബന്ധപ്പെട്ട റേഷന്‍ കടകളില്‍ പൂരിപ്പിച്ച് നല്‍കണമെന്നായിരുന്നു നിര്‍ദേശം. തിരുവനന്തപുരത്തുനിന്ന്, അപേക്ഷ സ്വീകരിക്കുന്നതുമായി ബന്ധപ്പെട്ട അറിയിപ്പൊന്നും ഇതുവരെ ലഭിച്ചിട്ടില്ളെന്ന് ജില്ലാ സപൈ്ള ഓഫിസര്‍ പറഞ്ഞു. അതേസമയം പുതിയ റേഷന്‍ കാര്‍ഡിനുള്ള പ്രാഥമിക നടപടി ക്രമങ്ങള്‍ ജില്ലയില്‍ ഇതിനകം പൂര്‍ത്തിയാക്കിയിട്ടുണ്ട്. നിലവിലെ റേഷന്‍ കാര്‍ഡ് ഉടമകളുടെ ഡാറ്റ തയാറാക്കി സി.ഡിറ്റിന് നല്‍കിയിട്ടുണ്ട്. ഡാറ്റ പൂര്‍ത്തിയാക്കി അതിന്‍െറ പരിശോധനയും കഴിഞ്ഞാണ് തിരുവനന്തപുരത്തേക്ക് അയച്ചുകൊടുത്തത്. ജില്ലയില്‍ ഇപ്പോള്‍ 8,19,309 റേഷന്‍ കാര്‍ഡുടമകളാണുള്ളത്. ഇതില്‍ 1,21,54 എണ്ണം ബി.പി.എല്‍ വിഭാഗത്തില്‍പെട്ടവയാണ്. 2,56,355 കാര്‍ഡുകള്‍ എ.പി.എല്‍ വിഭാഗത്തില്‍പെട്ടതാണ്.