ഗ്വാട്ടിമാല സിറ്റിയില്‍ ഭൂചലനം; ആളപായമില്ല

ഗ്വാട്ടിമാല സിറ്റി: ഗ്വാട്ടിമാല സിറ്റിക്ക് സമീപം ഭൂചലനം. ഭൂകമ്പമാപിനിയിൽ 6.2 തീവ്രത രേഖപ്പെടുത്തിയ ചലനത്തിൽ ആളപായമോ നാശനഷ്ടമോ റിപ്പോ൪ട്ട് ചെയ്തിട്ടില്ല. ഗ്വാട്ടിമാല സിറ്റിയിൽ നിന്ന് ഒമ്പതു കിലോമീറ്റ൪ മാറി സമുദ്രത്തിൽ നിന്ന് 200 കിലോമീറ്റ൪ ആഴത്തിലായിരുന്നു ഭൂചലനത്തിന്റെ പ്രഭവകേന്ദ്രമെന്ന് യു.എസ് ജിയോളജിക്കൽ സ൪വേ അറിയിച്ചു. 2012 നവംബറിൽ ഗ്വാട്ടിമാലയിൽ ഉണ്ടായ ശക്തമായ ഭൂചലനത്തിൽ 42 പേ൪ മരിച്ചിരുന്നു. ഭൂകമ്പമാപിനിയിൽ 7.4 തീവ്രത ആണ് അന്നു രേഖപ്പെടുത്തിയത്.