ചൈനീസ് മാധ്യമ പ്രവർത്തകരെ ഇന്ത്യ പുറത്താക്കുന്നു
text_fieldsന്യൂഡൽഹി: രാജ്യത്തുള്ള ചൈനീസ് മാധ്യമ പ്രവർത്തകരെ പുറത്താക്കാൻ തീരുമാനിച്ച് ഇന്ത്യ. ചൈനയുടെ ഒൗദ്യോഗിക മാധ്യമമായ സിൻഹുവ ന്യൂസ് ഏജൻസിയുടെ ഡൽഹി ബ്യൂറോ ചീഫ് വു ക്വിയാങ്, മുംബൈയിൽ ജോലി ചെയ്യുന്ന ലൂ താങ്, ഷി യോങ്ങാങ് എന്നിവരോട് ജൂലൈ 31നകം രാജ്യം വിടാനാണ് ഇന്ത്യ നിർദേശിച്ചിരിക്കുന്നത്. രാജ്യത്തിനകത്ത് ചാരപ്രവർത്തനം നടത്തുമെന്നുള്ള ആശങ്കയുടെ അടിസ്ഥാനത്തിലാണ് ഇവരെ തിരിച്ചയക്കാൻ ഇന്ത്യ ശ്രമിക്കുന്നത്.
മൂവരുടെയും വിസ ക്യാൻസൽ ചെയ്തിട്ടുണ്ട്. എന്നാൽ ഇതിന് കൃത്യമായ വിശദീകരണം അധികൃതർ നൽകിയിട്ടില്ലെന്നാണ് ചൈനീസ് മാധ്യമ പ്രവർത്തകർ പറയുന്നത്. അതേസമയം ചൈനീസ് വിദേശകാര്യ മന്ത്രാലയം വിഷയത്തിൽ ഇതുവരെ പ്രതികരിച്ചിട്ടില്ല. ആണവ വിതരണ ഗ്രൂപ്പിലെ ഇന്ത്യയുടെ പ്രവേശത്തെ ചൈന എതിർത്ത സാഹചര്യത്തിലാണ് ഇന്ത്യയുടെ നീക്കമെന്നതും ശ്രദ്ധേയമാണ്. ഇത് ഇരുരാജ്യങ്ങളുമായുള്ള ബന്ധം കൂടുതൽ വഷളാക്കിയേക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.