െഎ.സി.യുവിൽ പിതാവി​െൻറ ജീവൻരക്ഷാ ഉപകരണങ്ങൾ മാറ്റി; മകൾക്കെതിരെ കൊലപാതക ശ്രമത്തിന്​ കേസ്​

ചെന്നൈ:  ആശുപത്രി ​െഎസിയുവിൽ കിടന്ന പിതാവി​െൻറ ജീവൻരക്ഷാ ഉപകരണങ്ങൾ  ഉൗരിമാറ്റിയ ഡോക്​ടറായ മകൾക്കെതിരെ കൊലപാതകശ്രമത്തിന്​ കേസ്​.  മരണത്തെ മുഖാമുഖം കണ്ട പിതാവും ഡോക്​ടറായിരുന്നു.  ചെന്നെ കിൽപോക്കിലെ ആദിത്യ ആശുപത്രിയിൽ കഴിഞ്ഞ സെപ്​റ്റംബറിലായിരുന്നു സംഭവം. രണ്ട്​ മാസത്തിന്​ ശേഷം 2015 നവംബറിൽ ഈ വൃദ്ധന്‍ സ്വാഭാവിക മരണത്തിന് കീഴടങ്ങുകയും ചെയ്തു.  

മകൾ പിതാവി​െന ഭീഷണിപ്പെടുത്തി രേഖകളിൽ ഒപ്പിടുവിക്കുന്നതി​െൻറയും ജീവൻരക്ഷാ ഉപകരണങ്ങൾ  ഉൗരിമാറ്റുന്നതി​െൻറയും ദൃശ്യങ്ങൾ പുറത്തുവന്നു. 82 വയസുള്ള ഡോ. ഇ. രാജഗോപാൽ ഹൃദയസംബന്ധമായ അസുഖ​ത്ത തുടര്‍ന്ന്​ ചികിത്സയിലായിരുന്നു. മകനായ ഡോ. ആര്‍ ജയപ്രകാശി​െൻറ ആശുപത്രിയിലാണ്​ രാജഗോപാലിനെ പ്രവേശിപ്പിച്ചിരുന്നത്​.

രാജഗോപാലി​െൻറ മകൾ ഡോ. ജയസുധ രണ്ട്​ മക്കൾക്കൊപ്പം ​െഎ.സി.യുവിലെത്തി ചെയ്യുന്ന കാര്യങ്ങളാണ്​ വിഡിയോയിലുള്ളത്​. ഡ്യൂട്ടിയിലുണ്ടായിരുന്ന നഴ്‌സുമാരെ സ്വകാര്യത വേണം എന്ന് പറഞ്ഞ് ഡോ. ജയസുധ പുറത്താക്കുന്നു. പിന്നീട്​ ജയസുധയുടെ മകന്‍ ഷര്‍ട്ടിനുള്ളില്‍ ഒളിപ്പിച്ചിരുന്ന ചില രേഖകള്‍ പുറത്തെടുത്തു. പിതാവിനെ ഭീഷണിപ്പെടുത്തി മകൾ  രേഖകളിൽ ഒപ്പിടുവിച്ചു. പിന്നീട് പിതാവി​െൻറ വിരലടയാളവും ബലമായി മകള്‍ രേഖകളില്‍ പതിപ്പിച്ചു. തുടര്‍ന്ന് കൈയില്‍ സൂക്ഷിച്ചിരുന്ന സ്പിരിറ്റ് ഉപയോഗിച്ച് കൈവിരലിലെ മഷിമായിച്ചു. പിന്നീട്​ ജീവൻ നിലനിർത്തുന്നതിനായി മരുന്നുകള്‍ നല്‍കാനിട്ടിരുന്ന ഐ.വി ട്യൂബ് ഊരിമാറ്റി.  ഈ സമയം അവിടെയെത്തിയ ഡോക്ടര്‍മാരോടും നഴ്‌സിനോടും എന്തോ പറഞ്ഞ് ജയസുധയും മക്കളും സ്ഥലംവിടുന്നതാണ്​ ദൃശ്യങ്ങളിലുള്ളത്​.

ജയസുധക്കെതിരെ നടപടിയെടുക്കണ​െമന്ന്​ ആവശ്യ​പ്പെട്ട്​  സഹോദരന്‍ ഡോ.ജയപ്രകാശ്​ ഫെബ്രുവരിയിൽ തമിഴ്​നാട്​ മെഡിക്കൽ കൗൺസിലിന്​ പരാതി നൽകി. കൊലപാതകശ്രമം, അതിക്രമിച്ചു കടക്കൽ എന്നീ കുറ്റങ്ങളാണ്​ ജയസുധക്കെതിരെ ചുമത്തിയിരിക്കുന്നത്​.

video: The News minute