ജാക്കി ചാന് ഹോണററി ഒാസ്കാർ പുരസ്കാരം

വാഷിങ്ടൺ: ഹോളിവുഡ് ആക്ഷൻ ഹീറോയും ജാക്കി ചാന്​ ഹോണററി ഒാസ്​കാർ പുരസ്കാരം. ജാക്കി ചാനെ കൂടാതെ  സിനിമാ എഡിറ്റർ ആന്നി കോഡ്സ്, കാസ്​റ്റിങ്​ സംവിധായകൻ ലിൻ സ്​റ്റൽമാസ്​റ്റർ ഡോക്കുമെന്‍ററി നിർമാതാവ് ​ഫ്രഡിറിക്​ വിസ്മൻ എന്നിവർക്കും പുരസ്കാരം നൽകുമെന്ന് യു.എസ് ഫിലിം അക്കാദമി പ്രസിഡന്‍റ്​ ചെറിൽ ബൂൺ ഇസാഖ്​ അറിയിച്ചു. ഇവർ നാല് പേരും പുരസ്കാരത്തിന് അർഹരാണെന്നും അദ്ദേഹം അറിയിച്ചു.   
62 കാരനായ ജാക്കി ചാൻ ഹോങ്കോങ് ​സ്വദേശിയാണ്. ആയുധ കലകൾക്ക്​ പ്രാമുഖ്യം നൽകുന്ന അനേകം സിനിമകളിൽ ​ജാക്കി ചാൻ അഭിനയിച്ചിട്ടുണ്ട്. അഭിനേതാവ്​, ആയുധനകലാ വിദഗ്​ധൻ, എഴുത്തുകാരൻ, സംവിധായകൻ, എന്നീ ​മേഖലകളിൽ കഴിവു തെളിയിച്ചയാളാ​െണങ്കിലും ഇതുവരെ ​ഒാസ്​കാർ ലഭിച്ചിരുന്നില്ല.
​'ലോറൻസ്​ ഒാഫ്​ അറേബ്യ' എന്ന ചിത്രത്തിന്​ മുമ്പ്​ ഒാസ്​കാർ അവാർഡ്​ ലഭിച്ച ആന്നി കോട്​സന് എഡിറ്റിങ്​മേഖലയിൽ 60 വർഷത്തെ പ്രവർത്തന പരിചയമുണ്ട്​. ​'ദ ഗ്രാജുവേറ്റ്​' ഉൾപ്പെടെ 200ലേറെ സിനിമകളുടെ കാസ്റ്റിങ് ഡയറക്ടറാണ് ലിൻ സ്​റ്റൽ മാസ്​റ്റർ. ഫ്രഡിറിക്​ വിസ്മൻ 1967 മുതൽ സിനിമാ നിർമാണ രംഗത്ത്​ പ്രവർത്തിക്കുന്നുണ്ട്​.

നവംബറിൽ നടക്കുന്ന ചടങ്ങിൽ ഇവർക്ക് പുരസ്കാരങ്ങൾ സമ്മാനിക്കും.