'നിനക്കൊപ്പമുണ്ട് കുഞ്ഞേ': രാജ്യത്തിെൻറ നൊമ്പരമായ കുഞ്ഞിനെ ഏറ്റെടുത്ത് ഷാരൂഖ്
text_fieldsബിഹാറിലെ മുസഫര്പുര് റെയില്വേ സ്റ്റേഷനില് പട്ടിണി കിടന്ന് അമ്മ മരിച്ചതറിയാതെ ഉണര്ത്താന് ശ്രമിക്കുന്ന കുഞ്ഞിെൻറ വീഡിയോ രാജ്യത്തെയൊന്നാകെ വേദനിപ്പിച്ചിരുന്നു. ആ കുഞ്ഞിനെ ബോളിവുഡ് താരം ഷാരൂഖ് ഖാെൻറ മീര് ഫൗണ്ടേഷന് ഏറ്റെടുത്തവാർത്തയാണ് ഇപ്പോൾ പുറത്തെത്തിയിരിക്കുന്നത്.
'ആ കുഞ്ഞിനെ കണ്ടെത്താൻ സഹായിച്ച എല്ലാവര്ക്കും നന്ദി. ഏറ്റവും നിര്ഭാഗ്യകരമായ നഷ്ടത്തില് നിന്നും മോചിതനാകാനുള്ള കരുത്ത് അവനുണ്ടാകാന് നമ്മളെല്ലാവരും പ്രാർഥിക്കുകയാണ്. അതിെൻറ വേദന എനിക്ക് മനസ്സിലാകും. ഞങ്ങളുടെ സ്നേഹവും പിന്തുണയും നിനക്കൊപ്പമുണ്ട് കുഞ്ഞേ’- ഷാരൂഖ് ട്വീറ്റ് ചെയ്തു.
മീര് ഫൗണ്ടേഷനും കുഞ്ഞിനെ ഏറ്റെടുത്തത് സംബന്ധിച്ച് ട്വീറ്റ് ചെയ്തു- ‘ഈ കുഞ്ഞിനെ കണ്ടെത്താന് സഹായിച്ച എല്ലാവര്ക്കും നന്ദി. അമ്മയെ ഉണര്ത്താന് ശ്രമിക്കുന്ന കുഞ്ഞിന്റെ വീഡിയോ അത്രത്തോളം ഹൃദയഭേദകമായിരുന്നു. ഞങ്ങള് അവനെ സഹായിക്കും. മുത്തച്ഛന്റെ കൂടെയാണ് കുഞ്ഞ് ഇപ്പോള്'. കുഞ്ഞും സഹോദരനും മുത്തച്ഛനൊപ്പം നില്ക്കുന്നതിന്റെ ചിത്രമടക്കമായിരുന്നു ട്വീറ്റ് ചെയ്തത്.
രാജ്യത്ത് ലോക്ഡൗണ് പ്രഖ്യാപിച്ചതിനെ തുടര്ന്ന് അതിഥി തൊഴിലാളികള് അനുഭവിച്ച നരക യാതനയുടെ നേര്സാക്ഷ്യമായിരുന്നു മുസഫര് റെയില്വെ സ്റ്റേഷനില് നിന്നുള്ള ആ ദൃശ്യം. റെയില്വേ സ്റ്റേഷന് പ്ലാറ്റ്ഫോമില് മരിച്ചുകിടക്കുന്ന മാതാവിനരികെ ഒന്നുമറിയാതെ കളിക്കുന്ന കുഞ്ഞിന്റെ ദൃശ്യങ്ങളാണ് പുറത്തുവന്നത്. അമ്മ മരിച്ചതറിയാതെ പുതപ്പ് മാറ്റിയും ഓടിയും കളിക്കുകയായിരുന്നു കുഞ്ഞ്. നാല് ദിവസം നീണ്ട യാത്രക്കിടെ ഭക്ഷണവും വെള്ളവും കിട്ടാതെ പട്ടിണി കിടന്ന് മരിക്കുകയായിരുന്നു ആ അമ്മ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.