ആ ഖാൻമാരിൽ ഒരാൾ എ​െന്ന സിനിമയിൽനിന്ന്​ ചവിട്ടിപ്പുറത്താക്കി -സാഹിൽ

മുംബൈ: ഓർമയുണ്ടോ സാഹിൽ ഖാനെ? 2001ൽ പുറത്തിറങ്ങിയ ‘സ്​റ്റൈൽ’ എന്ന ബോളിവുഡ്​ സിനിമയിലെ നായകരിൽ ഒരാളായിരുന്നു ഈ പുതുമുഖ താരം.  ഏറെ ശ്രദ്ധിക്കപ്പെട്ട, ബോക്​സോഫിസിൽ ഹിറ്റായ ആ സിനിമ സാഹിലിന്​ സമ്മാനിച്ചത്​ ഭാവിതാരമെന്ന വിശേഷണമാണ്​. ​പ്രമുഖ സിനിമ മാഗസി​​​െൻറ കവർചിത്രമായി സാഹിൽ പ്രത്യക്ഷപ്പെടുകയും ചെയ്​തു. സാക്ഷാൽ, ഷാറൂഖ്​ ഖാനും സൽമാൻ ഖാനും ഒപ്പമായിരുന്നു സ്​റ്റാർഡസ്​റ്റ്​ മാഗസി​​​െൻറ കവറിൽ സാഹിലും നിറഞ്ഞുനിന്നത്​. ബോളിവുഡി​​​െൻറ പുതിയ ഖാൻ എന്ന അടിക്കുറിപ്പോടെയായിരുന്നു കവർ ചിത്രമായത്​. 

എന്നാൽ, ആ സൂപ്പർതാരങ്ങളിൽ ഒരാൾക്ക്​ ഒരു പുതുമുഖ നടൻ തങ്ങൾക്കൊപ്പം മാഗസി​​​െൻറ കവറിൽ ഇടംപിടിച്ചത്​ തീരെ ഇഷ്​ടപ്പെട്ടില്ല. പിന്നീട്​ ത​​​െൻറ കരിയർ തകർക്കാൻ ആ നടൻ കിണഞ്ഞു ശ്രമിച്ചതായി ഇൻസ്​റ്റാഗ്രാമിലെ പോസ്​റ്റിൽ സാഹിൽ തന്നെയാണ്​ വെളിപ്പെടുത്തിയത്​. ആ കവർചിത്രവും പോസ്​റ്റിനൊപ്പം ചേർത്തിരുന്നു. 2001നും 2013നുമിടക്ക്​ ആറു സിനിമകളിൽ മാത്രമാണ്​ സാഹിലിന്​ മുഖം കാണിക്കാൻ കഴിഞ്ഞത്​. ആ നട​​​െൻറ ആരാധകൻ കൂടിയായിരുന്നു താനെന്ന്​ സാഹിൽ പറയുന്നു. എന്നാൽ, തനിക്ക്​ കി​ട്ടേണ്ട ഒരുപാട്​ സിനിമകൾ മുടക്കിയ സൂപ്പർ താരം, ചെറിയ വേഷങ്ങളിലേക്കും ടിവി ഷോകളിലേക്കും തന്നെ വിളിക്കുന്നത്​ പതിവായിരുന്നുവെന്നും സാഹിൽ വെളി​െപ്പടുത്തി. 

ഇപ്പോൾ സുശാന്ത്​ സിങ്​ രജ്​പുതി​​​െൻറ ആത്​മഹത്യക്കു പിന്നാലെ ബോളിവുഡിലെ സ്വജനപക്ഷപാതവും ലോബിയിങ്ങുമൊക്കെ വീണ്ടും ചർച്ചയാവുന്ന സാഹചര്യത്തിലാണ്​ സാഹിലി​​​െൻറ തുറന്നെഴുത്ത്​. ഏതു നടനാണ്​ ത​​​െൻറ വഴിമു​ടക്കിയതെന്ന്​ അദ്ദേഹം തുറന്നുപറയുന്നില്ല. എന്നാൽ, എഴുത്തിലെ വിമർശന മുനകൾ സൽമാൻ ഖാന്​ നേരെ തിരിയുന്നവയാണെന്നാണ്​ സൂചന. സുശാന്തി​​​െൻറ മരണം ആ സൂപ്പർതാരത്തി​​​െൻറ തനിനിറം തുറന്നുകാട്ടിയെന്ന്​ സാഹിൽ എഴുതി. സുശാന്തി​​​െൻറ മരണത്തോടെ ​വിവിധ കോണുകളിൽനിന്ന്​ സ്വജനപക്ഷപാതത്തിനും മറ്റും വിമർശനമുയർന്നത്​, ഷാറൂഖിന്​ നേരെയല്ല, സൽമാൻ ഖാനെതിരെയാണ്​. മുംബൈയിൽ ഫിറ്റ്​നസ്​ കേന്ദ്രം നടത്തുകയാണിപ്പോൾ സാഹിൽ ഖാൻ. 

LATEST NEWS