മാത്യുവും മേരിയും രംഗത്തുണ്ട്, രാഹുലിനുവേണ്ടി
text_fieldsപുൽപള്ളി: വാർധക്യം തളർത്താത്ത മനസ്സുമായി അവർ രാഹുൽ ഗാന്ധിക്കുവേണ്ടിയുള്ള പ്രചാ രണം െകാഴുപ്പിക്കുകയാണ്. 90 കഴിഞ്ഞ ഈ വയോധിക ദമ്പതികളുടെ ആവേശത്തിൽ നാട്ടുകാർക്കും അതിശയം. വയനാട് ലോക്സഭ മണ്ഡലം യു.ഡി.എഫ് സ്ഥാനാർഥി രാഹുൽ ഗാന്ധിയുടെ തെരഞ്ഞെടുപ്പ് പ്രചാരണത്തിെൻറ ഭാഗമായി വീടിന് മുന്നിൽ രാഹുൽ ഗാന്ധിയുടെ പോസ്റ്ററുകൾ സ്ഥാപിച്ച് പ്രചാരണ പ്രവർത്തനങ്ങൾ ആരംഭിച്ചിരിക്കുകയാണ് പുൽപള്ളി സുരഭിക്കവലയിലെ മാത്യു-മേരി ദമ്പതികൾ. പ്രായാധിക്യം മറന്ന് രാഹുൽ ഗാന്ധിയുടെ മികച്ച വിജയത്തിനായി വരുംദിവസങ്ങളിലും സജീവമായി ഇറങ്ങാനാണ് ഇവരുടെ തീരുമാനം.
പ്രധാനമന്ത്രി സ്ഥാനാർഥിയായ രാഹുൽ ഗാന്ധി വയനാട് ലോക്സഭ മണ്ഡലത്തിൽ മത്സരിക്കാനെത്തിയത് ജില്ലയിലെ ജനങ്ങൾക്ക് അഭിമാനകരമാണെന്ന് ഇവർ പറയുന്നു. രാഹുൽ ഗാന്ധിക്കായി വോട്ട് ചെയ്യാൻ കഴിയുന്നതിെൻറ സന്തോഷത്തിലാണ് ഈ വയോധികദമ്പതികൾ. പാർട്ടി പ്രവർത്തകരിൽനിന്നു ചോദിച്ചുവാങ്ങിയ പോസ്റ്ററുകളാണ് വീടിെൻറ മുൻഭാഗത്തായി സ്ഥാപിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.