കെണിയിൽ കുടുങ്ങി പുള്ളിപ്പുലി ചത്ത നിലയിൽ; സ്ഥലം ഉടമകൾക്കെതിരെ കേസെടുത്തു
text_fieldsകൽപറ്റ: പുള്ളിപ്പുലിയെ കെണിയിൽ കുടുങ്ങി ചത്ത നിലയിൽ കണ്ടെത്തി. പുത്തൂർവയൽ മഞ്ഞളാ ംകൊല്ലിയിൽ എട്ടുവയസ്സുള്ള ആൺപുലിയെയാണ് ബുധനാഴ്ച രാവിലെ 11ഓടെ ചത്ത നിലയിൽ കണ്ടെ ത്തിയത്. ജഡത്തിന് നാലു ദിവസത്തെ പഴക്കമുണ്ടെന്ന് വനംവകുപ്പ് അധികൃതർ പറഞ്ഞു. കൊട്ടാരം മനോജ്, റിയോൺ എന്നിവരുടെ തോട്ടത്തിെൻറ അതിർത്തിയിലാണ് പുലി കെണിയിൽ കുടുങ്ങിയത്. ഇരുവർക്കുമെതിരെ കേസെടുത്തതായി മേപ്പാടി റേഞ്ച് ഫോറസ്റ്റ് ഓഫിസർ കെ. ബാബുരാജ് പറഞ്ഞു.
പന്നി, മാൻ തുടങ്ങിയവയെ പിടികൂടാനായി വാഹനത്തിെൻറ കേബിൾ ഉപയോഗിച്ച് ഒരുക്കുന്ന കെണിയിലകപ്പെട്ടാണ് പുലി ചത്തതെന്ന് വനംവകുപ്പ് അധികൃതർ പറഞ്ഞു. കെണിവെക്കാനായി ഉപയോഗിച്ച കേബിൾ പുലിയുടെ കഴുത്തിൽ തന്നെ ഉണ്ടായിരുന്നു. കസ്റ്റഡിയിലെടുത്ത കേബിൾ വനംവകുപ്പ് വ്യാഴാഴ്ച കോടതിയിൽ ഹാജരാക്കും. പോസ്റ്റുമോർട്ടത്തിന് ശേഷം ജഡം ദഹിപ്പിച്ചു.മേപ്പാടി റേഞ്ച് ഫോറസ്റ്റ് ഓഫിസർ കെ. ബാബുരാജ്, ചീഫ് വെറ്ററിനറി ഓഫിസർ ഡോ. വിന്നി ജോസഫ്, എപ്പിഡമോളജിസറ്റ് ദിലീപ് ഫൽഗുണൻ, ഫീൽഡ് ഓഫിസർ അരുൾ ബാദുഷ എന്നിവർ നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.