അഗ്രി. ടെക്‌നീഷ്യന്മാരെ നിയമിക്കുന്നു

തിരുവനന്തപുരം: കുടപ്പനക്കുന്ന് കാര്‍ഷികകര്‍മ സേനയിലേക്ക് അഗ്രികള്‍ചറല്‍ ടെക്‌നീഷ്യന്മാരെ നിയമിക്കുന്നു. കാര്‍ഷിക മേഖലയിലെ വിദഗ്ധ തൊഴിലാളികളുടെ ലഭ്യതക്കുറവ് കൃഷിഭൂമി തരിശാകുന്നതിന് കാരണമായിത്തീരുന്നു. ഈ പ്രശ്‌നം പരിഹരിക്കുന്നതിനാണ് പുതിയ നടപടി. കര്‍ഷകര്‍ക്ക് മികച്ച സേവനം കുറഞ്ഞ ചെലവില്‍ ലഭ്യമാക്കുന്നതിനൊപ്പം യുവജനങ്ങള്‍ക്ക് മികച്ച തൊഴിലിടം കണ്ടെത്താന്‍ ഈ സംരംഭം സഹായിക്കുന്നു. നിശ്ചിത മാതൃകയിലുള്ള അപേക്ഷ ഫോറം കുടപ്പനക്കുന്ന് കൃഷിഭവനില്‍നിന്ന് ലഭിക്കും. പൂരിപ്പിച്ച അപേക്ഷകള്‍ ജൂണ്‍ മൂന്നിന് വൈകീട്ട് അഞ്ചിന് മുമ്പ് കര്‍മസേന ഓഫിസില്‍ സമര്‍പ്പിക്കണം.