അംഗൻവാടിയുടെ മതിൽ തകർന്ന സംഭവം: ധർണ നടത്തി

കിളിമാനൂർ: നിർമാണം പൂർത്തിയായി ഒന്നരവർഷത്തിനകം അംഗൻവാടി കെട്ടിടത്തിൻെറ ചുറ്റുമതിൽ തകർന്ന സംഭവത്തിൽ അഴിമതി ആരോപിച്ച് കോൺഗ്രസ് മണ്ഡലം കമ്മിറ്റി പഞ്ചായത്ത് പടിക്കൽ ധർണ സമരം സംഘടിപ്പിച്ചു. കിളിമാനൂർ പഞ്ചായത്തിലെ 14ാം വാർഡിൽ ഉൾപ്പെട്ട 69ാം നമ്പർ അംഗൻവാടിയുടെ പുതുതായി നിർമിച്ച ചുറ്റുമതിലാണ് കഴിഞ്ഞദിവസം തകർന്നത്. പഞ്ചായത്തംഗം സജികുമാർ ഉദ്ഘാടനം ചെയ്തു. കോൺഗ്രസ് മണ്ഡലം പ്രസിഡൻറ് അനൂപ് തോട്ടത്തിൽ അധ്യക്ഷത വഹിച്ചു. സുധീർ, ജി.ജി ഗിരി കൃഷ്ണൻ, ബൻഷ തുടങ്ങിയവർ സംസാരിച്ചു.