ബസ് ജീവനക്കാർക്ക് യാത്രയയപ്പ്

തിരുവനന്തപുരം: ലോക്ഡൗണിൻെറ പശ്ചാത്തലത്തിൽ മെഡിക്കൽ കോളജ് ജീവനക്കാർക്കായി താൽകാലിക സർവീസ് നടത്തിയ നൽകി. ഗവ മോഡൽ സ്കൂൾ, കോട്ടൻഹിൽ സ്കൂൾ, സത്യസായി ട്രസ്റ്റ് എന്നീ സ്ഥാപനങ്ങളുടെ പത്തോളം ബസുകളാണ് ഒരു മാസത്തോളമായി സർവീസ് നടത്തിയത്. ദിവസേന മൂന്നു സർവീസുകൾ വീതമാണ് ഓരോ ബസും നടത്തിവന്നത്. ഇതു കൂടാതെ മെഡിക്കൽ കോളജിൻെറ ബസുകളും സർവീസ് നടത്തിയിരുന്നു. നഗരപരിധിക്കുള്ളിലും പുറത്തു നിന്നുമുള്ള ജീവനക്കാരെ മെഡിക്കൽ കോളജിലെത്തിക്കാൻ സ്കൂൾ ബസ് സർവീസുകൾക്കായി. ഇനി മുതൽ കെ എസ് ആർ ടി സി ബസുകൾ സർവീസ് നടത്താൻ നടപടി സ്വീകരിച്ചതോടെയാണ് സ്വകാര്യ ബസുകൾ പിൻവലിക്കുന്നത്. ബസുകൾ അണുവിമുക്തമാക്കിയ ശേഷം വിട്ടുകൊടുക്കാൻ ആശുപത്രി സൂപ്രണ്ട് ഡോ എം എസ് ഷർമ്മദ് നിർദേശം നൽകി.