കൃഷി: ദലിത്^ആദിവാസി വിഭാഗങ്ങൾക്ക്​ പ്രത്യേക പാക്കേജ് വേണമെന്ന്

കൃഷി: ദലിത്-ആദിവാസി വിഭാഗങ്ങൾക്ക് പ്രത്യേക പാക്കേജ് വേണമെന്ന് തിരുവനന്തപുരം: സംസ്ഥാന സർക്കാർ മുന്നോട്ട് വെച്ച കൃഷിവികസനത്തിൽ ദലിത്-ആദിവാസി വിഭാഗങ്ങൾക്ക് പ്രത്യേക പാക്കേജ് വേണമെന്ന് ദലിത്-ആദിവാസി സംഘടനകൾ. കോവിഡിൻെറ പശ്ചാത്തലത്തിൽ ഭക്ഷ്യവിളകൾ വർധിപ്പിക്കണമെന്നാണ് സംസ്ഥാന സർക്കാർ തീരുമാനം. പഴയ 'ഗ്രോമോർ ഫുഡ്' പദ്ധതിക്ക് സമാനമായി തരിശുഭൂമിയെല്ലാം കൃഷിയോഗ്യമാക്കുമെന്ന പ്രഖ്യാപനമുണ്ടായിരുന്നു. എന്നാൽ, ദലിത്-ആദിവാസി ജനവിഭാഗങ്ങളാണ് കാർഷികോൽപാദനമേഖലയിലെ മുഖ്യ തൊഴിൽശക്തിയെന്ന് തിരിച്ചറിഞ്ഞ് അവർക്കായി സർക്കാർ പ്രത്യേക പാക്കേജ് പ്രഖ്യാപിച്ചിട്ടില്ല. വയനാട്ടിലെ ആദിവാസിമേഖലയിൽ കാർഷികോൽപാദനം വർധിപ്പിക്കുന്നതിന് നടപടി സ്വീകരിച്ചില്ലെങ്കിൽ പട്ടിണിമരണമുണ്ടാവുമെന്ന് ആദിവാസിസംഘടനകൾ മുന്നറിയിപ്പ് നൽകുന്നു.