കരമനയിൽ സിമൻറ് കടയ്ക്കു തീപിടിച്ചു

നേമം: കരമനയിൽ സിമൻറ് കടയ്ക്ക് തീപിടിച്ചു. ആണ്ടിയിറക്കം ഭാഗത്തിനു സമീപം ഇടറോഡിൽ പ്രവർത്തിച്ചുവരുന്ന സിമൻറ് കട യ്ക്കാണ് തീപിടിച്ചത്. ചൊവ്വാഴ്ച രാത്രി 10.45നാണ് സംഭവം. കടയിൽനിന്ന് തീയും പുകയും ഉയരുന്നത് കണ്ടവരാണ് വിവരം പൊലീസിലും അഗ്നിശമന സേനയിലും അറിയിച്ചത്. ചെങ്കൽച്ചൂളയിൽനിന്ന് സ്റ്റേഷൻ ഓഫിസർ ജി.സുരേഷ് കുമാറി​െൻറ നേതൃത്വത്തിൽ ഒരു യൂനിറ്റ് ഫയർഫോഴ്സ് എത്തിയാണ് തീ കെടുത്തിയത്. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണു സൂചന. 50,000 രൂപയുടെ നഷ്ടം കണക്കാക്കുന്നു.