അധ്യാപകരുടെ പ്രശ്​നം പരിഹരിക്കണം -എം.കെ. മുനീർ

തിരുവനന്തപുരം: അധ്യാപകരുടെ പ്രശ്നങ്ങൾക്ക് സർക്കാർ അടിയന്തര പരിഹാരം കണ്ടില്ലെങ്കിൽ വിഷയം സമൂഹം ഏറ്റെടുക്കുമെന്ന് പ്രതിപക്ഷ ഉപനേതാവ് എം.കെ. മുനീർ എം.എൽ.എ. അവർക്ക് നിയമനാംഗീകാരവും ശമ്പളവും നൽകാൻ അമാന്തിക്കരുതെന്നും മുനീർ പറഞ്ഞു. നിയമനാംഗീകാരവും ശമ്പളവും നൽകുക, ശമ്പള പരിഷ്കരണം ആരംഭിക്കുക, പങ്കാളിത്ത പെൻഷൻ ഉപേക്ഷിക്കുക തുടങ്ങിയ ആവശ്യങ്ങളുന്നയിച്ച് കേരള സ്കൂൾ ടീച്ചേഴ്സ് യൂനിയൻ (കെ.എസ്.ടി.യു) സംസ്ഥാന കമ്മിറ്റി സംഘടിപ്പിച്ച സെക്രേട്ടറിയറ്റ് മാർച്ച് ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡൻറ് എ.കെ. സൈനുദ്ദീൻ അധ്യക്ഷത വഹിച്ചു.