Begin typing your search above and press return to search.
exit_to_app
exit_to_app
Posted On
date_range 18 May 2018 5:35 AM GMT Updated On
date_range 18 May 2018 5:35 AM GMTതെന്മലയിൽ പാൽ പരിശോധന കേന്ദ്രം തുടങ്ങി
text_fieldsbookmark_border
പുനലൂർ: സംസ്ഥാന അതിർത്തിയിൽ സർക്കാർ അനുവദിച്ച പാൽ പരിശോധന ലാബ് തെന്മലയിൽ മന്ത്രി കെ. രാജു ഉദ്ഘാടനം ചെയ്തു. മറ്റു സംസ്ഥാനങ്ങളിൽ നിന്ന് കേരളത്തിലേക്ക് കൊണ്ടുവരുന്ന പാലിെൻറ ഗുണമേന്മ പരിശോധിക്കാൻ അതിർത്തിയിൽ അനുവദിച്ച മൂന്ന് പാൽ പരിശോധന കേന്ദ്രത്തിൽ ഒന്നാണ് തെന്മലയിലേതെന്ന് മന്ത്രി പറഞ്ഞു. പാലും പാലുൽപന്നങ്ങളും കാലിത്തീറ്റയും പരിശോധിച്ച് ഗുണമേന്മ ഉറപ്പാക്കാനുള്ള സംവിധാനം ലാബിലുണ്ട്. തെന്മലയിൽ വനംവകുപ്പിെൻറ കെട്ടിടത്തിൽ താൽക്കാലികമായാണ് ലാബ് തുടങ്ങിയത്. ആര്യങ്കാവിൽ വാണിജ്യനികുതി വകുപ്പിെൻറ കെട്ടിടം വാടകക്ക് ലഭിക്കുന്ന മുറക്ക് ലാബ് അങ്ങോട്ട് മാറ്റുമെന്നും മന്ത്രി പറഞ്ഞു. തെന്മല തടി ഡിപ്പോയിലുള്ള വനംവകുപ്പ് കെട്ടിടം അറ്റകുറ്റപ്പണി നടത്തി പൊതുപരിപാടികൾക്ക് വിട്ടുകൊടുക്കുമെന്നും മന്ത്രി പറഞ്ഞു. ഇതിനുള്ള നിർദേശം തെന്മല ഡി.എഫ്.ഒക്ക് നൽകി. ജില്ലപഞ്ചായത്ത് പ്രസിഡൻറ് സി. രാധാമണി അധ്യക്ഷത വഹിച്ചു. കേരള ക്ഷീരകർഷക ക്ഷേമനിധി ചെയർമാൻ എൻ. രാജൻ, കേരള ഫീഡ്സ് ചെയർമാൻ കെ.എസ്. ഇന്ദുശേഖരൻനായർ, മിൽമ മേഖല യൂനിയൻ ചെയർമാൻ കല്ലട രമേശ്, അഞ്ചൽ ബ്ലോക്ക് പ്രസിഡൻറ് രഞ്ജു സുരേഷ്, ആര്യങ്കാവ് പഞ്ചായത്ത് പ്രസിഡൻറ് സുരേഷ്ബാബു തുടങ്ങിയവർ സംസാരിച്ചു. തെന്മല പഞ്ചായത്ത് പ്രസിഡൻറ് ആർ. ലൈലജ സ്വാഗതവും ക്ഷീരവികസന ഡയറക്ടർ എബ്രഹാം ടി. ജോസഫ് റിപ്പോർട്ടും അവതരിപ്പിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story